عازمین کی خدمت کے لیے مسجد حرام میں 510 برقی سیڑھیاں اور 40 لفٹس

مسجد حرام کے مکینیکل انجینیر ریان بدر نے کہا ہے کہ حرم مکی میں مشرق وسطیٰ کا سب سے بڑا کولنگ سسٹم ہے جس میں ایک لاکھ 21 ہزار ٹن ریفریجریشن کی گنجائش ہے۔

سعودی عرب کے ’الاخباریہ چینل‘ کے پروگرام "خدام الحرم" میں جمعہ کے روز گفتگو کرتے ہوئے ریان بدر نے مزید کہا کہ مسجد حرام میں زائرین اور نمازیوں کی آمد ورفت کے لیے 510 ایسکلیٹر اور چالیس لفٹیں تیار کی گئی ہیں۔ 65 ایسکلیٹرز شاہ فہد توسیع کے اندر ہیں۔ اس کے علاوہ 221 ایسکلیٹرز مسعیٰ کے اندر ہیں۔

انہوں نے واضح کیا کہ مسجد حرام کے اندر 510 ایسکلیٹرز اور 40 لفٹیں ہیں جو عازمین کی پوری طرح سے خدمت کر رہی ہیں۔ ان کا کہنا تھا کہ ان سیڑھیوں اور لفٹوں کی باقاعدگی کے ساتھ دیکھ بھال کی جاتی ہے۔