اسرائیل کی سعودی عرب کو قومی دن پر مبارک باد، نیک خواہشات کا اظہار

ہماری خواہش ہے،امن، تعاون اور اچھی ہمسائیگی کی فضا قائم رہے:اسرائیلی وزارتِ خارجہ کا ایکس پر بیان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اسرائیل نے سعودی عرب کواس کے قومی دن کے موقع پر مبارک باد پیش کی ہے اورسعودی مملکت اور عوام کے لیے نیک خواہشات کا اظہار کیا ہے۔

اسرائیلی وزارتِ خارجہ کی جانب سے ہفتے کے روز جاری کردہ بیان میں کہا گیا ہے کہ ’’ہم سعودی عرب کے 93 ویں قومی دن کے موقع پر مملکت کے بادشاہ، حکومت اور عوام کو پُرخلوص مبارک باد اور نیک دعائیں پیش کرتے ہیں‘‘۔

اس نے ایکس پر اپنے عربی زبان کے اکاؤنٹ پر مزید کہا:’’اللہ آپ کے لیے خیر اور برکتیں لے کر آئے... ہماری خواہش ہے کہ امن، تعاون اور اچھی ہمسائیگی کی فضا قائم رہے‘‘۔

قبل ازیں اسرائیلی وزیراعظم بنیامین نیتن یاہو نے جمعہ کو اقوام متحدہ کی جنرل اسمبلی سے خطاب کرتے ہوئے کہا تھا:’’ہم ... اسرائیل اور سعودی عرب کے درمیان تاریخی امن کے قریب پہنچ چکے ہیں‘‘۔

سعودی ولی عہد شہزادہ محمد بن سلمان نے بھی فاکس نیوز کے ساتھ انٹرویو میں اسی طرح کے جذبات کا اظہار کیا تھا اور بتایا تھا کہ دونوں ممالک تعلقات کو معمول پر لانے کے قریب پہنچ رہے ہیں۔

متحدہ عرب امارات اور بحرین سمیت متعدد عرب ممالک نے امریکا کی ثالثی میں تاریخی معاہدہ ابراہیم کے تحت 2020ء میں اسرائیل کے ساتھ معمول کے تعلقات استوار کیے تھے۔اب امریکی صدر جوبائیڈن کی انتظامیہ اسرائیل اور سعودی عرب کے درمیان معمول کے تعلقات استوارکرنے اور اس ضمن میں ایسا ہی تاریخی امن معاہدہ طے کرانے کے لیے کوشاں ہے۔

مقبول خبریں اہم خبریں

مقبول خبریں