مالدیپ: صدر کے خلاف کالا جادو کرنے پر خاتون وزیر گرفتار

بزنس انسائیڈر کی خبر کے مطابق مالدیپ کے حکام نے وزیر ماحولیات فاطمہ شمناز کو گرفتار کر لیا اور مالدیپ کے صدر محمد معزو کے خلاف اپنے دو بھائیوں کے تعاون سے "کالا جادو" کرنے کے شبہ میں عہدے سے فارغ کر دیا۔

اگرچہ وزیر فاطمہ شمناز کے خلاف الزامات ثابت نہیں ہوئے ہیں ۔ پولیس نے مقامی میڈیا کو اطلاع دی کہ انہوں نے وزیر کو گزشتہ اتوار کو مالیاتی دارالحکومت میں دو دیگر افراد کے ساتھ گرفتار کیا اور تحقیقات جاری ہیں۔ افسران نے اس کی گرفتاری کے بارے میں کوئی خاص تفصیلات فراہم نہیں کیں۔

واضح رہے مالدیپ میں "جادو کرنا" کوئی مجرمانہ فعل نہیں ہے لیکن اسلامی قوانین کے تحت اس کی سزا 6 ماہ قید ہو سکتی ہے۔ ابتدائی تحقیقات کے مطابق خاتون وزیر فاطمہ شمناز نے ملک کے صدر پر ’’کالا جادو‘‘ کیا ۔ وزیر نے صدر کے قریب جانے اور سیاسی عہدوں پر آگے بڑھنے کے لیے ایسا کیا۔

فاطمہ شمناز کے چھوٹے بھائی اور ایک اور ملزم مبینہ جادوگر کو 23 جون کو گرفتار کیا گیا تھا۔ انہیں عدالت میں پیش ہونے کے بعد 6 دن تک حراست میں رکھا گیا تھا۔ شمناز کے سابق شوہر ایڈم رمیز، جو پہلے صدر موئسو کے ساتھ مل کر کام کرتے تھے، کو بھی معطل کر دیا گیا تھا۔ گرفتار وزیر تین بچوں کی ماں ہے۔ ان میں ایک سال سے کم عمر کا بچہ بھی شامل ہے۔