اچھی نیند کے لیے 9 پھل جو قدرتی طور پر بے خوابی کم کرتے ہیں

یہ ہارمون جسم کے سونے اور جاگنے کے چکر کو منظم کرنے میں مرکزی کردار ادا کرتا ہے۔ عام طور پر ملاٹونن شام کے وقت قدرتی طور پر خارج ہوتا ہے تاکہ دماغ کو نیند کے لیے تیار کرے اور نیند کو گہرا اور باقاعدہ بنائے۔ لیکن جب ملاٹونن کی مقدار متاثر ہوتی ہے، چاہے وہ تناؤ ہو، بڑھتی عمر ہو یا طرزِ زندگی میں بے ترتیبی کی وجہ سے ہو، بعض افراد سپلیمنٹس کے ذریعے اس کمی کو پورا کرنے کی کوشش کرتے ہیں۔

صحت کے ماہرین کہتے ہیں کہ غذا بہت سے معاملات میں ایک قدرتی اور محفوظ متبادل ہو سکتا ہے، خاص طور پر وہ پھل جو ملاٹونن پر مشتمل ہوں یا اس کی پیداوار کو بڑھائیں، جیسا کہTimes of India نے ذکر کیا ہے۔

اس حوالے سے ڈاکٹر ہریش شافلی ماہر نیند کے امراض، گلن ایگلز اسپتالز سے کہتے ہیں کہ ملاٹونن ایک قدرتی ہارمون ہے ،جو جسم کو سگنل دیتا ہے کہ آرام کا وقت آ گیا ہے، اس سے نیند کی معیار بہتر اور باقاعدہ ہوتی ہے اور وہ بتاتے ہیں کہ نو قدرتی پھل ایسے ہیں ،جو بہتر نیند میں مدد دے سکتے ہیں۔

چیری: نیند میں مدد دینے والا سب سے مشہور پھل

چیری خاص طور پر کھٹے چیری ان پھلوں میں سب سے زیادہ مشہور ہے، جو نیند کو بہتر بنانے میں مدد دیتے ہیں۔پچھلے مطالعے سے معلوم ہوا ہے کہ صرف ایک ہفتے تک چیری کا جوس پینے سے نیند کی مجموعی مدت میں اضافہ اور معیار میں بہتری آتی ہے، کیونکہ اس میں اہم مقدار میں ملاٹونن موجود ہوتا ہے۔

انگور: ملاٹونن کا غیر متوقع ذریعہ

تازے انگور کا جوس اور دیگر مصنوعات قدرتی ملاٹونن پر مشتمل ہیں۔ غذائی ماہرین کے مطابق رات کے کھانے کے بعد یا دن میں انگور کا استعمال جسم کے سرکیڈین ردم کو سپورٹ کرتا ہے اور نیند کو زیادہ آرام دہ اور باقاعدہ بنانے میں مددگار ثابت ہوتا ہے۔

کیوی: جلدی نیند اور طویل آرام

غذائی تحقیقات سے یہ بات سامنے آئی ہے کہ سونے سے تقریباً ایک گھنٹہ پہلے دو کیوی کھانے سے نیند میں تیزی اور نیند کے دورانیے میں بہتری آ سکتی ہے، خاص طور پر اگر یہ عمل چند ہفتوں تک مسلسل کیا جائے۔

گوچی بیری: چھوٹا مگر طاقتور اثر

ماہرین کے مطابق خشک گوچی بیری ملاٹونن کی سطح بڑھانے اور پرسکون نیند کو فروغ دینے میں مددگار ہو سکتی ہے۔یہ بیری ایشیا اور بحیرہ روم کے علاقوں میں اُگائی جاتی ہے اور اینٹی آکسیڈنٹس سے بھرپور ہونے کی وجہ سے مشہور ہے۔

اناناس: نیند کے ہارمون کی قدرتی مدد

اناناس بھی ان پھلوں میں شامل ہے، جن میں ایسے مرکبات پائے جاتے ہیں ،جو ملاٹونن کو بڑھانے میں مدد دیتے ہیں۔اسے تازہ کھایا جا سکتا ہے یا قدرتی جوس میں شامل کر کے نیند سے متعلق فوائد حاصل کیے جا سکتے ہیں۔

اسٹرا بیری: وٹامن سی کے ساتھ بہتر نیند

اسٹرابیری وٹامن سی کا ایک غنی ذریعہ بھی ہے، جو تناؤ کم کرنے اور نیند سے متعلق جسمانی افعال کو سپورٹ کرنے میں مدد دیتا ہے، اس کے ساتھ ساتھ اس میں ملاٹونن بھی موجود ہوتا ہے۔

مالٹے: سردیوں میں نیند کو سپورٹ کرنے والا پھل

مالٹا اور اس کی مصنوعات جیسے قدرتی جوس نیند کے معیار کو بہتر بنانے میں مددگار ہیں، نہ صرف اس میں موجود ملاٹونن کی وجہ سے بلکہ جسم کو عام طور پر آرام دہ بنانے میں اس کے کردار کی بدولت بھی۔

کیلا: ملاٹونن کا بالواسطہ محرک

اگرچہ کیلے میں ملاٹونن براہِ راست موجود نہیں ہوتا، لیکن یہ ٹریپٹوفان سے بھرپور ہوتا ہے، جو جسم میں سیروٹونن کو ملاٹونن میں تبدیل کرنے میں مدد دیتا ہے۔ اس وجہ سے یہ سونے سے پہلے ایک موزوں انتخاب ہے۔

ٹماٹر: روزانہ کے کھانوں میں ایک آسان اضافہ

ٹماٹر ان غذاؤں میں شامل ہے، جو ملاٹونن پر مشتمل ہیں، انہیں ناشتہ، دوپہر کے کھانے یا رات کے کھانے میں آسانی سے شامل کیا جا سکتا ہے تاکہ نیند سے متعلق ہارمونی توازن کی حمایت ہو۔

ماہرین کا کہنا ہے کہ روزانہ کے کھانے کے انتخاب کا نیند کے معیار پر براہِ راست اثر پڑ سکتا ہے، ملاٹونن یا اس کے محرکات سے بھرپور پھلوں کو خوراک میں شامل کرنا ایک سادہ مگر مؤثر قدم ہو سکتا ہے، جس سے بے خوابی پر قابو پانے میں مدد ملتی ہے، بغیر کہ مستقل طور پر دوائیوں یا سپلیمنٹس پر انحصار کیا جائے۔