خالی پیٹ کافی پینے کے چار سنگین اثرات کیا ہیں؟

کافی دنیا بھر میں سب سے زیادہ استعمال ہونے والے مشروبات میں سے ایک ہے اور اس کے استعمال کا تعلق ذہنی طور پر چوکنا رہنے، بہتر جسمانی کارکردگی اور دماغی افعال کو بہتر بنانے سے ہے۔ تاہم خالی پیٹ کافی پینا ہر کسی کے لیے مناسب آپشن نہیں ہوسکتا ہے کیونکہ حالیہ طبی رپورٹس بتاتی ہیں کہ یہ عادت بعض افراد میں ناخوشگوار اور بعض اوقات سنگین علامات کا باعث بھی بن سکتی ہے۔

صحت کی ویب سائٹ ’’ ویری ویل ہیلتھ ‘‘ کی جانب سے شائع ہونے والی رپورٹ کے مطابق بغیر کھائے کافی پینا کچھ لوگوں میں نظام انہضام، ہارمونز اور بے چینی کی سطح کو متاثر کر سکتا ہے۔

نمایاں ترین خطرات یہ ہیں:

تیزابیت میں اضافہ

کافی قدرتی طور پر ایک تیزابیت والا مشروب ہے اور اسے خالی پیٹ پینا معدے کو تیزاب کی بڑی مقدار خارج کرنے کے لیے متحرک کر سکتا ہے۔ یہ معدے کی پرت میں جلن کا باعث بن سکتا ہے اور سینے میں جلن یا ایسڈ ریفلوکس کا سبب بن سکتا ہے۔ خاص طور پر ان لوگوں میں جو پہلے سے ہی گیسٹرو ایسوفیجل ریفلوکس بیماری (GERD) یا چڑچڑاپن والے آنتوں کے سنڈروم (IBS) میں مبتلا ہیں۔ کیفین نچلے غذائی نالی کے اسفنکٹر کو بھی آرام دیتا ہے جس سے معدے کے تیزاب کو غذائی نالی میں بڑھنا آسان ہوجاتا ہے۔

ماہرین ان علامات کو کم کرنے کے لیے کافی پینے سے پہلے ہلکا پھلکا ناشتہ یا کھانے کا ایک چھوٹا ٹکڑا کھانے کا مشورہ دیتے ہیں۔ ماہرین کا یہ بھی کہنا ہے کہ ہلکی روسٹ کافی کے مقابلے سیاہ روسٹ کافی میں جلن کا امکان کم ہوتا ہے۔

کیفین کا تیز تر جذب

جب کافی کو خالی پیٹ پیا جائے تو جسم کیفین کو زیادہ تیزی سے جذب کر لیتا ہے جس سے گھبراہٹ پیدا ہوتی اور دل کی دھڑکن تیز ہو جاتی ہے۔ مطالعات سے پتہ چلتا ہے کہ بہت زیادہ کیفین کا استعمال سر درد اور ہائی بلڈ پریشر کا سبب بن سکتا ہے۔ یہ پریشانی کی بڑھتی ہوئی علامات سے منسلک ہو سکتا ہے خاص طور پر ان لوگوں میں جو روزانہ کافی کا زیادہ استعمال کرتے ہیں۔

ڈاکٹروں کا مشورہ ہے کہ روزانہ 400 ملی گرام کیفین یعنی چار سے پانچ کپ کافی پینے سے گریز کریں۔ اسی طرح کافی کو صبح خالی پیٹ یا سونے کے وقت کے قریب پینے سے بچا جائے۔

ہاضمے کے مسائل

کچھ لوگ خالی پیٹ کافی پینے کے بعد ہاضمے کی علامات کا تجربہ کرتے ہیں۔ ان کو اپھارہ، درد، متلی یا اسہالکی شکایت ہوجاتی ہے۔ کافی آنتوں کی حرکت کو بھی متحرک کرتی ہے جس کی وجہ سے اچانک پیشاب کرنے کی خواہش پیدا ہوسکتی ہے۔

ہارمونل اثرات

کیفین تناؤ کے ہارمون کورٹیسول کے اخراج کو بھی متحرک کرتی ہے۔ اعلیٰ کورٹیسول کی سطح کو اضطراب، نیند میں خلل اور موڈ میں تبدیلی سے جوڑا جا سکتا ہے۔ اگرچہ کافی کے استعمال سے بلڈ پریشر میں اضافہ عام طور پر عارضی ہوتا ہے اور خطرناک نہیں ہوتا ہے لیکن اسے روزانہ خالی پیٹ پینا کچھ لوگوں کے لیے علامات کو مزید خراب کر سکتا ہے۔

آخر میں یاد رہے کہ کافی کے معروف فوائد کے باوجود اسے خالی پیٹ پینا ہر کسی کے لیے موزوں نہیں ہے۔ اگر آپ کو کوئی ناخوشگوار علامات محسوس ہوتی ہیں تو جسم کے اشاروں کو سنیے اور کافی کے استعمال کے وقت کو ایڈجسٹ کریں۔