مالی کے جوڑے نے ایک ساتھ پیدا اپنے 9 بچوں کی پانچویں سالگرہ منائی: ویڈیو
ایک ساتھ 9 بچے پیدا کرنے والی دنیا کی پہلی ماں کو ’’سپر مدر‘‘ کا لقب دیا گیا، گنیز ورلڈ ریکارڈز نے ویڈیو شائع کی
مالی سے تعلق رکھنے والے ایک جوڑے، عبدالقادر عربی اور حلیمہ سیسے نے مسلسل پانچویں سال اپنے نو بچوں کی سالگرہ منائی۔ "گنیز ورلڈ ریکارڈز" کی ویب سائٹ نے پیر کو اپنے ایکس اکاؤنٹ پر نو بچوں کی پانچویں سالگرہ کی ایک ویڈیو شائع کی ہے جس میں گھر اور سکول میں ان کی زندگی کا ایک رخ دکھایا گیا ہے۔
سپر مدر
مراکش میں پیدا ہونے والے یہ نو بچے گھر میں کھیلتے اور اپنی والدہ کے ساتھ کھانا کھاتے ہوئے نظر آئے۔ ان کی ماں کو "سپر مدر" قرار دیا گیا ہے کیونکہ وہ دنیا کی پہلی ماں ہیں جنہوں نے بیک وقت نو جڑواں بچے پیدا کیے ہیں۔ دیگر مناظر میں کلاس روم میں اپنے ہم جماعتوں کے ساتھ ان کے تعلیمی دن کو بھی دکھایا گیا۔
Happy birthday to the Cisse nonuplets, who turn five today! 🥳
— Guinness World Records (@GWR) May 4, 2026
On 4 May 2021, nine children were born to Halima Cisse (Mali) in the Ain Borja clinic in Casablanca, Morocco. This is the first known incidence of nonpulets surviving birth. pic.twitter.com/qIDwCyjoNE
مالی کی حلیمہ سیسے نے دنیا کی پہلی ایسی خاتون کے طور پر گنیز بک آف ورلڈ ریکارڈ میں نام درج کرایا تھا جنہوں نے ایک ساتھ نو بچوں (5 بیٹیاں اور 4 بیٹے) کو پیدا کیا جو زندہ سلامت رہے۔ یہ ولادت مئی 2021 میں مراکش کے شہر کاسابلانکا کے ایک ہسپتال میں ہوئی تھی۔
یہ جڑواں بچے 30 ویں ہفتے میں سیزیرین آپریشن کے ذریعے پیدا ہوئے تھے۔ ان کا وزن 500 گرام سے ایک کلوگرام کے درمیان تھا۔ ان کی انتہائی کامیابی کے ساتھ دیکھ بھال کی گئی۔ واضح رہے اس سے قبل یہ ریکارڈ 2009 میں امریکہ کی نادیہ سلیمان کے پاس تھا جنہوں نے 8 بچوں کو ایک ساتھ پیدا کیا تھا۔
