سعودی عرب کی وزارت حج کے دو ڈائریکٹر برطرف، غفلت برتنے پر تحقیقات

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کےوزیر حج وعمرہ محمد صالح بن طاھر بنتن نے وزارت حج کے دو ڈائریکٹرز کو ان کے عہدے سے ہٹاتے ہوئے حج کے امور میں غفلت برتنے پران کے خلاف تحقیقات شروع کی ہیں۔

العربیہ چینل کی رپورٹ کے مطابق وزارت حج وعمرہ کی طرف سے جاری ایک بیان میں بتایا گیا ہےکہ جنوبی ایشیا حج امورکی نگرانی فائونڈیشن کے دفتر 80 اور 82 کے دو ڈائریکٹرز کوحج کے موقع پراپنی ذمہ داریوں میں غفلت برتنے پربرطرف کردیا گیا ہے۔ انہیں تحقیقات کے لیے متعلقہ حکام کے حوالے کیا گیا ہے۔

برطرف کیے گئے دونوں عہدیداروں کی جگہ نئے افسران تعینات کیے گئے ہیں تاکہ حجاج کرام کے مناسک کی تکمیل اور ان کی وطن واپسی کو معمول کے مطابق آگے بڑھایا جاسکے۔

سعودی عرب کے وزیر برائے حج وعمرہ نے مکہ مکرمہ کے ڈپٹی گورنر شہزادہ بدر بن سلطان بن عبدالعزیز کی نشاندہی پر حج آپریشن کے لیے کام کرنے دو اہم دفاتر کے ڈائریکٹرز کو برطرف کیا گیا ہے۔

قبل ازیں سعودی عرب کے وزیر حج ڈاکٹر محمد صالح بن طاھر بنتن نے حج آپریشن کے دو عہدیداروں کو اپنے فرائض منصبی کی انجام دہی میں کوتاہی برتنے پر کام سے روک دیا تھا۔

مقبول خبریں اہم خبریں

مقبول خبریں