سابق گورنر مکہ شہزادہ خالد سعودی عرب کے نئے وزیر تعلیم مقرر

سعودی عرب کے فرمانروا شاہ عبداللہ بن عبدالعزیز نے سابق گورنر مکہ شہزادہ خالد بن فیصل بن عبدالعزیز کو مملکت کا نیا وزیر تعلیم مقرر کیا ہے۔

سعودی عرب کی سرکاری خبر رساں ایجنسی 'ایس پی اے' کی رپورٹ کے مطابق شہزادہ خالد کو شہزادہ فیصل بن عبداللہ بن محمد کی جگہ وزیرتعلیم بنایا گیا ہے اور ان کی جگہ نجران کے علاقے کے سابق گورنر شہزادہ مشعل بن عبداللہ بن عبدالعزیز کو مکہ کا نیا گورنر مقرر کیا گیا ہے۔ ان کا عہدہ وزیر کے برابر ہوگا۔