انجلینا جولی 90 کی دہائی میں منشیات استعمال کرتی رہیں

اقوام متحدہ کی خیر سگالی سفیر اور ہالی ووڈ اسٹار انجیلنا جولی نوے کی دہائی میں منشیات کا استعمال کرتی رہیں۔

انٹرنیٹ پر انجیلنا کی نشے میں دھت وڈیو نے تہلکہ مچا دیا۔ برطانوی اخبار 'دی میل' کے مطابق خود کو انجیلنا کا ڈرگ ڈیلر بتانے والے شخص نے انٹرنیٹ پر یہ وڈیو جاری کی ہے۔ وڈیو میں انجیلنا منشیات کا استعمال کرنے کے بعد کسی سے فون پر گفتگو کر رہی ہیں اور نشے میں دکھائی دے رہی ہیں۔

ڈرگ ڈیلر نے دعویٰ کیا ہے کہ اس نے انجیلنا کو ہیروئن اور کوکین دونوں بیچی تھیں۔ اس سے قبل 2011 میں انجیلنا جولی نے اعتراف کیا تھا کہ وہ اپنی زندگی کے ایک برے دور سے گزری ہیں۔

دوسری جانب بریڈ پٹ کے قریبی ذرائع کا کہنا ہے کہ یہ وڈیو دونوں کے رشتے پر نظر انداز ہو سکتی ہے۔