برازیل فٹبال میچ کے دوران آسمانی بجلی کا کڑکا

برازیل میں پیرو فٹبال کپ کے لیے حال ہی میں دو ٹیموں کے درمیان میچ کے دوران اچانک موسم کی خرابی کے بعد آسمانی بجلی گرنے سے ایک فٹبالر سمیت متعدد افراد زخمی ہو گئے۔

تفصیلات کے مطابق اگویلا اسپورٹس اور نیون فورزا مینیرا کے درمیان فٹبال کا مقابلہ پورے زور وشور سے جاری تھا۔ اس دوران اچانک گرچ چمک شروع ہوئی اور آسمانی بجلی گرنے سے اسٹڈیم میں موجود ایک فٹبالر سمیت متعدد دیگر افراد جھلس گئے۔

آسمانی بجلی گرنے سے 21 سالہ فٹبالر خوائو کونٹریاس کے جسم کا کچھ حصہ جھلس گیا ہے تاہم وہ رو بہ صحت ہے۔ اسپتال ذرائع کا کہنا ہے کہ آسمانی بجلی گرنے سے متاثرہ دیگر افراد کی زندگیاں خطرے سے باہر ہیں تاہم وہ نفسیاتی طور پر متاثر ہوئے ہیں۔

کونٹریراس اسپورٹ کلب کی جانب سے جاری ایک ویڈیو فوٹیج میں آسمانی بجلی گرنے اوراس کے نتیجے میں گرائونڈ میں موجود فٹبالر کے زخمی ہونے کا منظر بھی دکھایا گیا ہے۔ آسمانی بجلی گرنےسے کھلاڑی کے جسم سے دھواں اٹھتا دکھائی دیتا ہے۔