'سافٹ ڈرنک' سٹیکرز لگا کر 'بیئر' سمگلنگ کی کوشش ناکام

سعودی عرب میں الکحول والی بیئر کے 48 ہزار کینز سمگل کرنے کی کوشش کسٹم حکام نے ناکام بنا دی۔ ممنوعہ مشروب کو مملکت میں سمگل کرنے کے لئے البطحاء کا انٹر پوائنٹ استعمال کیا گیا۔

البطحاء کے ڈائریکٹر جنرل کسٹمز عبدالرحمن المحنّا نے بتایا کہ راہداری پر سامان سے بھر ایک بڑا کیٹینر یہ کہہ کر لایا گیا کہ اس میں موجود چیزیں راہدری سے بطور 'ٹرانزیٹ' گذر کر ہمسایہ ملک جانا ہیں۔ کینٹیر کے کاغذات میں سامان کی تفصیل کے ضمن میں 'مشروبات' تحریر تھا۔

اس پر کسٹم حکام نے کینٹرز کا معائنہ شروع کیا تو انکشاف ہوا کہ بیئر کے کینز کو انتہائی چالاکی کے ساتھ 'پیپسی' برانڈ کے سٹیکرز سے چھپایا گیا ہے، تاہم انٹری پوائنٹ پر کسٹم کے عملے نے یہ کوشش پکڑ لی۔ ممنوعہ مشروب کے تمام کینز ضبط کر کے سملگلر کو گرفتار کر لیا گیا ہے۔