برطانیہ : 42 % شہری یورپی یونین میں شامل رہنے کے حامی

برطانوی اخبار "دی ٹائمز" نے پیر کے روز بتایا ہے کہ حال ہی میں ہونے والے ایک تازہ ترین سروے کے مطابق برطانیہ کے 42 % شہری اپنے ملک کے یورپی یونین میں شامل رہنے کی حمایت کرتے ہیں جب کہ 40 % کا خیال ہے کہ برطانیہ کو یورپی یونین سے نکل جانا چاہیے۔

یہ سروے ایک خودمختار ادارے YouGov کی جانب سے کرایا گیا تھا۔

اخبار کے مطابق 13% برطانوی یہ نہیں جانتے کہ آیا وہ 23 جون کو ہونے والے عوامی ریفرنڈم میں دست بردار ہونے کی حمایت کریں گے یا نہیں جب کہ چھ فی صد نے ابھی تک حتمی فیصلہ نہیں کیا ہے۔

اخبار نے سروے کے انعقاد کے وقت کا ذکر نہیں کیا۔