سعودی وزیر خارجہ نے جان مکین کو اِن الفاظ میں یاد کیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی وزیر خارجہ عادل الجبیر نے آنجہانی امریکی سینیٹر جان مکین کے دنیا سے رخصت ہونے پر ایک خصوصی ٹوئیٹ کی ہے۔

ٹوئیٹ میں الجبیر نے کہا کہ "میں سینیٹر جان مکین کے اہل خانہ سے تعزیت کرتا ہوں ، امریکا نے ایک دلیر اور بہادر شخص کو کھو دیا ہے"۔

سعودی وزیر نے مزید کہا کہ "میں ایک ذاتی دوست سے محروم ہو گیا ہوں جس کو میں 13 برس سے زیادہ عرصے سے جانتا تھا"۔

ادھر امریکا میں سعودی عرب کے سفیر شہزادہ خالد بن سلمان نے بھی ٹوئیٹر پر اپنے تبصرے میں لکھا کہ "ہم امریکی عوام کے لیے دل کی گہرائیوں سے تعزیت پیش کرتے ہیں جنہوں نے سینیٹر جان مکین کو کھو دیا ہے"۔ شہزادہ سلمان کے مطابق "مکین ایک دلیر انسان تھے جنہوں نے اپنی زندگی ملک کی خدمت اور عالمی امن و سلامتی کی سپورٹ کے لیے وقف کر دی تھی۔ وہ مملکت سعودی عرب کے ایک عظیم دوست تھے۔ یقینا ہم اُن سے محروم ہو چکے ہیں"۔

جان مکین اتوار کے روز 81 برس کی عمر میں انتقال کر گئے تھے۔

وہ سال بھر تک دماغ کے سرطان کے ساتھ لڑتے رہے۔ مکین کے رشتے داروں نے جمعے کے روز اعلان کیا تھا کہ اُنہوں نے علاج کا سلسلہ روک دیا ہے۔

مقبول خبریں اہم خبریں