یورپی کمیشن کے سربراہ کی "حرکت" پر کانفرنس ہال قہقہوں سے گونج اُٹھا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یورپی کمیشن کے سربراہ ژاں کلود ینکر پیر کے روز برسلز میں ایک کانفرنس میں خطاب کے لیے آئے تو ڈائس پر پہنچنے سے قبل انہوں نے برطانوی وزیراعظم ٹریزا مے کی نقل اُتاری۔ اس پر پورا ہال قہقہوں سے گونج اُٹھا۔

خطاب سے قبل ینکر نے اُسی انداز سے رقص کی حرکات کیں جیسا کہ گزشتہ بدھ کے روز ٹریزا مے نے کنزرویٹو پارٹی کی سالانہ کانفرنس میں اپنے خطاب سے قبل پس منظر میں ایک مشہور گانے کی دُھن پر انجام دی تھیں۔

دوسری جانب یورپی کمیشن کے سربراہ کی اس حرکت نے ٹریزا مے کے حامیوں میں غصّے کی شدید لہر دوڑا دی۔

برطانوی اخبار ڈیلی میل کا کہنا ہے کہ ایسا لگتا ہے کہ ینکر برطانوی وزیراعظم سے "مذاق" فرما رہے تھے تاہم اخبار کی ویب سائٹ پر آنے والے تبصروں میں غصے سے بھرپور جذبات نمایاں ہو رہے ہیں۔

ادھر یورپی کمیشن کے سربراہ کے ترجمان کا کہنا ہے کہ ژاں کلود ینکر کی حرکت "کسی کے خلاف نہیں تھی"۔ ترجمان نے باور کرایا کہ ینکر کے دل میں ٹریزا مے کا بہت زیادہ احترام ہے۔

مقبول خبریں اہم خبریں

مقبول خبریں