.

شاہ سلمان نے سعودی عرب کے سرکاری ملازمین کا سالانہ بونس بحال کردیا

پہلی اشاعت: آخری اپ ڈیٹ:

سعودی عرب کے فرماں روا شاہ سلمان بن عبدالعزیز نے ایک شاہی فرمان کے ذریعے مملکت کے سرکاری ملازمین کا سالانہ بونس بحال کردیا ہے۔

سعودی عر ب کے سول سروس کے وزیر سلیمان الحمدان نے العربیہ سے ایک انٹرویو میں بتایا ہے کہ سرکاری ملازمین کو سالانہ بونس کیلنڈر سال کے آغاز پر یکم جنوری 2019ء کو ادا کیا جائے گا۔

انھوں نے کہا کہ ’’ میں خادم الحرمین الشریفین اور ان کے ولی عہد کا سرکاری ملازمین کی جانب سے اس شاہی فرمان کے اجرا پر شکریہ ادا کرنا چاہتا ہوں ۔ یہ فرمان ان کی سرکاری شعبے کے ملازمین کی استعداد کار اور کارکردگی بڑھانے کی خواہش کا مظہر ہے‘‘۔