.

روس: پرندوں نے مسافر طیارے کو ایمرجنسی لینڈنگ پر مجبور کر دیا

پہلی اشاعت: آخری اپ ڈیٹ:

روس میں حکام نے بتایا ہے کہ دارالحکومت ماسکو کے ایک ایئرپورٹ کے باہر مسافر طیارے کی کھیت میں ایمرجنسی لینڈنگ کے نتیجے میں کم از کم 23 افراد زخمی ہو گئے۔

تفصیلات کے مطابق Ural Airlines کے ایئربس 321 طیارے نے جمعرات کے روز ماسکو کے Zhukovsky انٹرنیشنل ایئرپورٹ سے اڑان بھری۔ طیارے میں 226 مسافر اور عملے کے 77 ارکان سوار تھے۔ اڑان بھرنے کے بعد ہی طیارہ فضا میں پرندوں کے ایک جُھنڈ سے ٹکرا گیا۔

تصادم کے بعد طیارے کے انجن معطل ہو گئے اور پائلت نے ایئرپورٹ سے تقریبا ایک کلو میٹر دور مکئی کے ایک کھیت میں ایمرجنسی لینڈنگ کی۔

روسی حکام کے مطابق اس دوران 23 مسافر زخمی ہو گئے جن میں 5 بچے شامل ہیں۔ تمام زخمیوں کو علاج کے لیے ہسپتال منتقل کر دیا گیا۔