.

مشہور فیشن ہاؤس کا اپنی مصنوعات پیش کرنے کا انوکھا طریقہ

پہلی اشاعت: آخری اپ ڈیٹ:

مسافروں کو صبح بخیر ... طیارے کا کپتان آپ سے مخاطب ہے ...

"ہم کرسچین لوبوٹن کی پرواز پر آپ کو خوش آمدید کہتے ہیں جو پیرس سے لوئیویل کی جانب روں دواں ہے..."۔

یہ وہ تخلیقی انداز ہے جو مشہور فیشن ڈیزائنر Christian Louboutin نے اپنے 2021ء کے موسم خزاں اور موسم سرما کا نیا کلیکشن پیش کرنے کے واسطے اختیار کیا۔ یہ کلیکشن نیویارک ایئرپورٹ کے ایک ٹرمینل پر مہمانوں کے لیے "لوبی ایئرویز" کی ورچوئل پرواز میں ایک 3D ٹکنالوجی کے ذریعے ڈیزائن کیے گئے طیارے میں پیش کیا گیا۔

طیارے کے تمام عملے نے "کرسچین لوبوٹن" کے برینڈ کے چیزیں پہن رکھی تھیں۔

اس سلسلے میں لوبی کے طیارے کو اندر سے کرسچین لوبوٹن کے معروف سرخ رنگ کے ساتھ ڈیزائن کیا گیا۔ اس کا فرش اور نشستیں سرخ رکھی گئیں۔ اس ورچوئل پرواز کے دوران 9 کارٹون فلمز پیش کی گئیں۔ اسی طرح طیارے کے عملے نے اڑان سے قبل تفریحی اور منفرد انداز سے سیکورٹی وڈیو کلپ پیش کیا۔

مسافروں کو ہدایت دی گئی کہ "دوران پرواز فیشن کے حوالے سے ہدایات کے حصول کے لیے اپنی نشست کے سامنے رکھے ہوئے کارڈ کو ملاحظہ فرمائیں"۔

جہاز کے متن پر برینڈ کے جوتوں کے علاوہ جدید ترین خوشبوئیں اور خواتین کے لیے لپ اسٹک کا مجموعہ بھی پیش کیا گیا۔ ساتھ ہی گھر کے اندر اور باہر استعمال میں آنے والی دیگر اضافی اشیاء بھی رکھی گئیں تھیں۔

ان اشیاء میں کرسٹل سے مرصع "ہیل" (ایڑی) والے جوتے نمایاں ترین رہے۔

پرواز کے اختتام سے چند لمحے قبل کپتان نے اعلان کیا:

"لوبی ٹائمز گزٹ آپ کے ہاتھوں میں ہے۔ آپ اس میں لوبوٹن ہاؤس کے بعض قصے پڑھنا نہ بُھولیں"۔