"ملازمت کو الوداع"... یہ وہ نعرہ ہے جو متحدہ عرب امارات میں مقیم بھارتی کارکن سنیل کمار ساداسیوَن نے امارات لاٹری کے "لک ڈے" قرعہ اندازی میں بڑی انعام جیتنے کے بعد لگایا۔ 52 سالہ سنیل نے 3 کروڑ درہم کی خطیر رقم جیتی ہے، جس کے بعد ان کا پہلا فیصلہ برسوں کی مشقت کے بعد ملازمت چھوڑ کر بھارت واپس جانا ہے۔
سنیل نے انعام کی نصف رقم اپنے اس دوست کو دینے کا فیصلہ کیا ہے جس نے ان کے ساتھ ٹکٹ خریدا تھا۔ امارات لاٹری کے مطابق انہوں نے "ایکس" پلیٹ فارم پر کہا "میں اپنے ملک میں اپنے گھر کو بہتر اور مکمل کروں گا اور کچھ ایسے لوگ بھی ہیں جن کے پاس گھر نہیں، میں ان کے لیے بھی گھر بنانا چاہتا ہوں۔"
سنیل کا ماننا ہے کہ اب انعام جیتنے کے بعد وہ آرام کے حقدار ہیں۔ انہوں نے "گلف نیوز" کو بتایا "اس جیت نے میرے تمام منصوبوں کو بدل دیا ہے۔ میں بہت چھوٹی عمر سے کام کر رہا ہوں اور محسوس کرتا ہوں کہ اب پیچھے ہٹنے اور آرام کرنے کا مناسب وقت ہے۔"
سنیل نے پہلی بار 18 سال کی عمر میں بیرون ملک سفر کیا اور اپنی زندگی کا بیشتر حصہ خاندان کی کفالت میں گزارا۔ 2006 میں ان کی شادی ہوئی اور اسی سال وہ امارات منتقل ہوئے۔
واضح رہے کہ 3 کروڑ درہم کا انعام صرف سنیل کے لیے نہیں ہو گا، کیونکہ یہ ٹکٹ ان کے پڑوس میں رہنے والے ایک دوست کے ساتھ مل کر خریدا گیا تھا اور دونوں دوست جیتی گئی رقم آپس میں تقسیم کرنے کا ارادہ رکھتے ہیں۔ اس دوست نے اپنی شناخت ظاہر نہیں کی ہے۔ سنیل نے بتایا کہ حال ہی میں انہوں نے بدھ کے روز الگ سے کھیلنا شروع کیا تھا اور انہوں نے کبھی نہیں سوچا تھا کہ اس کا نتیجہ اتنی بڑی جیت پر نکلے گا۔
سنیل نے اپنے اور اپنے اہل خانہ کی تاریخ پیدائش کے اعداد کا انتخاب کیا تھا۔ انہوں نے بتایا "میں نے سوچا کہ کیوں نہ وہ تاریخیں استعمال کروں جو میرے دل کے قریب ہیں۔ میں نے اپنی بیٹی کی سالگرہ سے شروع کیا، پھر اپنی اور اپنی بیوی کی تاریخِ پیدائش شامل کی۔"
پہلی بار ٹکٹ خریدنے پر انہیں صرف 100 درہم کا معمولی انعام ملا تھا، جس سے حوصلہ پا کر انہوں نے دوبارہ کوشش کی اور دوسرے ہی ٹکٹ نے سب کچھ بدل دیا۔ سنیل کو اپنی جیت کا علم ڈیوٹی ختم کرنے کے بعد اپنے کمرے میں آرام کرتے ہوئے ہوا۔ ان کا کہنا تھا "رات 9:45 پر میں نے فون چیک کیا، مجھے چھوٹی جیت کی توقع تھی، لیکن جب جیتنے والے نمبر دیکھے تو مجھے شدید حیرانی ہوئی۔"
آخر میں سنیل نے دوسروں کو پیغام دیا "امید مت ہاریں، میں نے برسوں لاٹری کھیلی اور کبھی کوئی بڑا انعام نہیں جیتا، پھر اچانک سب کچھ بدل گیا۔ آپ نہیں جانتے کہ آپ کا وقت کب آئے گا، اس لیے کوشش جاری رکھنی چاہیے۔"
-
آبنائے ہرمز میں دو آئل ٹینکرز ایرانی حملے کا نشانہ بنے:اماراتی وزارتِ دفاع
متحدہ عرب امارات کی وزارتِ دفاع نے پیر کی شام اعلان کیا کہ قومی آئل ٹینکر ...
مشرق وسطی -
باب المندب میں حوثیوں کے لیے اسلحہ سازی کا سامان لے جانے والی کشتی پکڑی گئی
یمن کی قوات العمالقہ نے منگل کو اعلان کیا ہے کہ آبنائے باب المندب میں ایک کشتی کو ...
بين الاقوامى
-
آبنائے ہرمز میں بحری عملے کی ہلاکت پر بھارت کا ایران سے احتجاج
بھارتی وزارتِ خارجہ نے منگل کے روز کہا ہے کہ اس نے آبنائے ہرمز میں بھارتی بحری ...
مشرق وسطی
