.

سعودی عرب: الجوازات کے زیر انتطام 365 خواتین سپاہی فارغ التحصیل

پہلی اشاعت: آخری اپ ڈیٹ:

سعود عرب میں محکمہ پاسپورٹ (الجوازات) کے زیر انتظام 365 خواتین سپاہیوں کی گریجویشن تقریب کا انعقاد ہوا۔ الجوازات انسٹی ٹیوٹ کے خواتین تربیتی مرکز میں وڈیو کانفرنسنگ کے ذریعے منعقد ہونے والی اس تقریب کی سرپرستی الجوازات کے ڈائریکٹر جنرل لیفٹننٹ جنرل سليمان بن عبدالعزيز اليحيی نے کی۔

تربیتی پروگرام میں زمینی عسکری مشقوں کے علاوہ پاسپورٹ کے ٹکنالوجی نظام پر تربیتی پروگرام اور دستاویزات میں جعل سازی کے انکشاف کے طریقوں کی آگاہی شامل ہے۔

مدير عام الجوازات الفريق سليمان بن عبدالعزيز اليحيى
مدير عام الجوازات الفريق سليمان بن عبدالعزيز اليحيى

تقریب کے اختتام پر الجوازات کے ڈائریکٹر جنرل نے فارغ التحصیل خواتین کے لیے وزیر داخلہ شہزادہ عبدالعزیز بن سعود بن نائف کی جانب سے تہنیتی خطاب پیش کیا۔ خطاب میں کورس میں شریک خواتین کی سنجیدگی کو سراہا گیا۔