.

امریکا:عمارت کی نویں منزل سے کود کرخود کشی کرنے والا معجزاتی طور پر بچ گیا:ویڈیو

پہلی اشاعت: آخری اپ ڈیٹ:

امریکی ریاست نیوجرسی میں ایک شخص نے ایک عمارت کی نویں منزل سے کود کرخود کشی کی ناکام کوشش کی۔ خود کشی کی کوشش اور بلندی سے گرنے کے باوجود وہ زندہ بچ گیا جس پر وہ اور دوسرے لوگ بھی حیران ہیں۔

خود کشی کے اس حیران کن واقعے کی ایک فوٹیج سوشل میڈٰیا پر وائرل ہوئی ہے۔ یہ فوٹیج عمارت میں لگے کیمروں میں محفوظ ہوگئی تھی۔

مقامی میڈٰیا کے مطابق ہفتے کو مقامی وقت کے مطابق دس بج کر 20 منٹ پر نیوجرسی ریاست میں ایک شخص عمارت کی نویں منزل سے کود گیا مگر خوش قسمتی سے وہ نیچے سڑک پر کھڑی’بی ایم ڈبلیو‘ پر آ گرا۔

’اخبار ڈیلی میل‘ کے مطابق 31سالہ ایک نوجوان نے’جیرسی سٹی‘ کی بلڈنگ سے چھلانگ لگائی۔ یہ ایک خالی عمارت ہے۔ وہ کودنے کے بعد ایک کار پر گر کر زخمی ہوا۔ خون کے اس چہرے اور جسم پر دیکھا جاسکتا ہے۔ اس نے وہاں راہ گیروں سے پوچھا کہ یہاں کیا ہوا؟۔

خود کشی کے اس واقعے کے نتیجے میں سیاہ رنگ کی کار کوبری طرح نقصان پہنچا۔ اس کی شیشے کی چھت چور ہوگئی۔ نوجوان کے گرنے کی آواز سن کر لوگ خوف زدہ ہوگئے۔ کچھ لوگ اس واقعے کو دیکھنے کے لیے سڑک کی طرف دوڑے۔

خود کشی کرنے والے نوجوان نے ماسک لگا کر چھلانگ لگائی تھی۔ جب وہ کار پرگرا ماسک ایک طرف اس کے کان کے ساتھ لٹک رہا تھا۔ کچھ راہ گیر اس کے پاس آئے اور اسے سڑک کے کنارے بٹھانے اور اس کی مدد کی کوشش کی تو وہ چلا رہا تھا اور کہہ رہا تھا کہ ’مجھے اکیلا چھوڑ دو مجھے مرنے دو‘۔

وہیں سے ایک راہ گیر نے پولیس کو اطلاع دی اور واقعے کی تفصیلات بتائیں۔