ترکی میں مظاہرے کے الرٹ پرانقرہ میں امریکی سفیر طلب

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ترکی کی وزارت خارجہ نے اتوار کے روز امریکا کے سفیر کو طلب کیا ہے تاکہ ان سے استنبول میں حزب اختلاف کی ریلی سے متعلق سفارت خانے کی ویب سائٹ پر شائع ہونے والے الرٹ پرناراضی کااظہار کیا جا سکے۔

ہفتے کے روزاستنبول میں ہزاروں افرادنے صدر رجب طیب ایردوآن اور ریاست کی توہین کے الزام میں ترک حزب اختلاف کی سرکردہ سیاستدان کنعان کفتانس اوغلو کی سزا کے خلاف احتجاج کے لیے ریلی نکالی تھی۔

ترکی میں امریکی سفارت خانے نے 18 مئی کو اپنی ویب سائٹ پر ایک الرٹ جاری کیا تھا جس میں حزب اختلاف کے مظاہرے کے دوران میں پولیس کی ممکنہ مداخلت پرخبردار کیا گیا تھا۔

وزارت خارجہ کے ذرائع نے بتایا کہ انقرہ نے سفیرجیف فلیک پر واضح کیا ہے کہ مظاہروں کے دوران میں ترک پولیس فورسزکے اقدامات کے حوالے سے امریکی الرٹ میں بے بنیاد دعوے کیے گئے ہیں۔

امریکی سفارت خانہ کے حکام فوری طور پر اس موضوع پرتبصرے کے لیے دستیاب نہیں تھے۔

مقبول خبریں اہم خبریں