وڈیو : سوڈانی شہری نے لاکھوں کی کرنسی جلا ڈالی !

سوڈان میں گذشتہ گھنٹوں کے دوران میں سوشل میڈیا پر ایک وڈیو نے ہزاروں شہریوں کو متوجہ کر لیا۔ جنگل کی آگ کی طرح پھیل جانے والی وڈیو میں ایک آدمی کو لاکھوں سوڈانی پاؤنڈز آگ میں جلاتے ہوئے دیکھا جا سکتا ہے۔

ٹک ٹاک کے پلیٹ فارم پر پوسٹ ہونے والی وڈیو میں سوڈانی شہری پانچ سو پاؤنڈ کے کرنسی نوٹوں کو آگ میں ڈالتا ہوا نظر آ رہا ہے۔

اس حرکت کی وجہ بتاتے ہوئے اس بے چارے شخص نے انکشاف کیا کہ اسے دھوکے اور جعل سازی کا شکار بنایا گیا۔

مقامی میڈیا کے مطابق اس شخص کو ایک تجارتی معاملے کے سلسلے میں حاصل ہونے والی رقم جعلی نوٹوں پر مشتمل تھی۔

اس کے نتیجے میں اس شخص نے فوری طور پر تمام نوٹوں کو جلا ڈالا تا کہ کوئی اور شہری اس جال میں نہ پھنس سکے۔

سوشل میڈٰیا پر لوگوں کی مختلف آراء سامنے آئی ہیں۔ بعض نے اس شخص کے عمل کی حمایت کی ہے جب کہ دیگر کا کہنا ہے کہ متاثرہ شخص کو واقعے کی اطلاع پولیس کو دینا چاہیے تھی تا کہ مجرم کو پکڑ کر قرار واقعی سزا دی جاتی !