خبریں اور افواہیں پھیلانےوالوں کے خلاف عدالتی کارروائی کا مطالبہ کر دیا

ایرانی پاسدران انقلاب نے عدالت سے کہا ہے کہ ان لوگوں کے خلاف مقدمہ چلایا جائے مہیسہ امینی نامی بائیس سالہ لڑکی کی موت کے بعد جعلی خبریں اور افواہیں پھیلائی ہیں۔

پاسداران انقلاب نے اس سلسلے میں عدالت میں مقدمہ چلانے کا مطالبہ ان حالات میں کیا ہے جب مہیسہ امینی کے کے مرنے کے بارے میں بہت ساری خبروں کے سامنے آنے کے بعد کشیدگی پھیل گئی ہے۔

پاسدران انقلاب کے مطابق انہوں نے مقتولہ مہیسہ امینی کے اہل خانہ اور رشتہ داروں سے اظہار ہمدردی کیا ہے اور عدالت سے درخواست کی ہے کہ جھوٹی خبروں اور افواہوں کے پھیلانے والوں کے خلاف کارروائی کی جائے۔

واضح رہے سوشل میڈیا پر بہت سی خبریں گردش میں ہیں۔ اور مختلف طبقات میں پولیس پر سخت تنقید کی جارہی ہے جس کی حراست میں بائیس سالہ لڑکی موت واقع ہوگئی تھی۔