محبت کا پیغام اور اپنی بیوی کے ساتھ رقص، بائیڈن نے اپنی 80 ویں سالگرہ منائی

بائیڈن امریکی تاریخ میں پہلے صدر ہیں جو صدارت کے دوران ہی اپنی عمر کے 80 ویں سال تک پہنچ گئے ہیں، اس موقع پر انہوں نے اپنی سالگرہ منانے کی کسی باقاعدہ تقریب کا اعلان تو نہیں کیا تاہم انہوں نے اپنی بیوی سے محبت کا ایک پیغام دیا اور بیوی کے ساتھ رقص کی ایک تصویر شیئر کی ہے۔

دو تصاویر اور ایک پیغام

اتوار کی سہ پہر ان کی اہلیہ جِل بائیڈن نے ٹویٹر پر ایک جذباتی پیغام پوسٹ کیا جس میں ان دونوں کی ایک ساتھ رقص کی تصاویر تھیں۔

اپنی طرف سے خاتون اول نے اپنی ٹویٹ میں لکھا ’’میں کسی اور کے ساتھ ڈانس نہیں کرنا چاہتی۔ سالگرہ مبارک ہو جو! میں تم سے پیار کرتی ہوں۔"

اس ٹویٹ کے علاوہ وائٹ ہاؤس نے صدر کی سالگرہ کے حوالے سے کوئی بیان جاری نہیں کیا۔ یہ واضح نہیں ہوا کہ بائیڈن اپنی سالگرہ کیسے منائیں گے یا وہ سالگرہ کی کوئی تقریب کریں گے بھی یا نہیں۔

پوتی کی شادی کا جشن

سالگرہ منانا ایک طرف تاہم بائیڈن نے ہفتہ کو وائٹ ہاؤس میں اپنی پوتی ناؤمی کی شادی کا جشن منایا، اس تقریب میں پریس کو شرکت کی اجازت نہیں تھی۔

صدر بائیڈن کا دور صدارت میں 80 سال تک کانگریس میں پہنچنا اور باقی رہنا ایک اعتبار سے اتنا غیر مانوس نہیں لگتا کیونکہ اس مرتبہ کانگریس میں نوجوان چہرے کافی نایاب ہیں اور بہت سے لوگ اس کانگریس کو بوڑھوں کی طاقت کہتے ہیں۔

مثال کے طور پر ایوانِ نمائندگان کی سبکدوش ہونے والی سپیکر نینسی پیلوسی کی عمر 82 برس ہے ۔ سینیٹ میں ریپبلکن اقلیتی رہنما مچ میک کونل ان سے صرف دو سال چھوٹے ہیں۔ سینیٹ میں ڈیموکریٹک اکثریت کی رہنما چک شومر ہیں جو جلد ہی اپنی 72 ویں سالگرہ منانے جا رہے ہیں۔

بائیڈن فرائض انجام دینے کے قابل

دبلے پتلے امریکی صدر بائیڈن سگریٹ نہیں پیتے اور اب بھی جسمانی طور پر متحرک ہے ۔ 1988 میں جان لیوا دماغی انیوریزم کی سرجری کے بعد سے انہیں صحت کے کسی بڑے مسائل کا سامنا نہیں کرنا پڑا۔

ایک سال قبل ایک وسیع طبی معائنے کے بعد ڈاکٹروں نے کہا تھا کہ بائیڈن کو چند معمولی بیماریاں ہیں اور ہم اس نتیجے پر پہنچے کہ بائیڈن اپنی ذمہ داریاں نبھانے کے قابل ہیں۔