رابطہ عالم اسلام کا دنیا کے مصیبت زدہ افراد کی مدد کے لیے معاہدہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

رابطہ عالم اسلامی نے انٹرنیشنل فیڈریشن آف ریڈ کراس اور ریڈ کریسنٹ سوسائٹیز کے ساتھ تعاون کے ایک معاہدے پر دستخط کیے ہیں تاکہ دنیا کے متعدد ممالک میں مسلح تنازعات سے متاثرہ افراد، بے گھر ہونے والوں اور نقل مکانی کرنے والوں کو انسانی امداد کا ایک جامع پیکج فراہم کیا جا سکے۔

اس معاہدے پر امریکی دارالحکومت واشنگٹن میں رابطہ عالم اسلامی کے سیکریٹری جنرل، مسلم اسکالرز کی انجمن کے صدر ڈاکٹر محمد العیسیٰ اور ریڈ کراس کے سیکریٹری جنرل اور سی ای او جب ریڈ کریسنٹ سوسائٹیز کے سربراہ جگن چاپگین نے دستخط کیے۔

ڈاکٹر العیسیٰ نے اس موقعے پراس بات پر زور دیا کہ بین الاقوامی تنظیموں کے درمیان تعاون انسانی ہمدردی کے اہداف کے حصول کے لیے بہت ضروری ہے۔ رابطہ عالم اسلامی انٹرنیشنل فیڈریشن آف ریڈ کراس اور ریڈ کریسنٹ سوسائٹیز کے ساتھ تعاون کرنے پر خوش ہے۔ اس معاہدے سے جنگوں سے متاثرہ افراد کو مدد فراہم کی جا سکے گی، تارکین وطن اور بے گھر افراد کی تکالیف کو کم کرنے میں بھی مدد ملےگی۔"

جاگن چاپگین نے کہا کہ "ہمیں یقین ہے کہ رابطہ عالم اسلامی کے ساتھ ہماری شراکت داری دنیا بھر میں آفات اور بحرانوں سے متاثر ہونے والوں تک پہنچنے کے لیے اہم ثابت ہو گی۔ اس تعاون کے ذریعے انسانیت اور انسانی ہمدردی کے کاموں کے لیے ہماری مشترکہ وابستگی مضبوط ہو گی۔"

معاہدے کے مطابق رابطہ عالم اسلامی وسائل، علم، تجربہ، رابطے، معلومات کو پھیلانے اور ہر منصوبے کا تفصیلی جائزہ جائزہ لے گا، جبکہ بین الاقوامی فیڈریشن طے شدہ منصوبوں کو طے شدہ معیار اور وقت کے ساتھ نافذ کرے گی اور باقاعدہ رپورٹس فراہم کرے گی۔

مقبول خبریں اہم خبریں

مقبول خبریں