لیبیا: افریقی ملیشیا کی لیبی شہریوں پر تشدد کی خوفناک ویڈیو آگئی، احتجاجی مظاہرے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

لیبیا میں ایک مسلح ملیشیا کے ہیڈ کوارٹرز کے اندر افریقی تارکین وطن نے لیبائی نوجوانوں کے ایک گروپ کو بہیمانہ تشدد کا نشانہ بنایا ے۔ تشدد کی ویڈیو وائرل ہونے پر ملک بھر میں لوگ مشتعل ہوگئے۔ جمعرات کی صبح مغربی لیبیا کے شہر زاویہ میں بڑی تعداد میں لوگوں نے احتجاجی مظاہرے کئے۔

اس سے قبل سوشل میڈیا پر ایک افریقی گروپ کے وحشیانہ تشدد، مار پیٹ اور کوڑے مارنے کا ایک ویڈیو کلپ سامنے آیا تھا۔ ویڈیو کے مناظر دیکھ کر زاویہ شہر کے لوگوں میں بڑے پیمانے پر اشتعال پھیل گیا۔

ویڈیو کلپ میں لیبیا کے نوجوانوں کے ایک گروپ کو شدید مار پیٹ کا نشانہ بنایا جارہا ہے۔ تشدد، بدتمیزی اور بدترین الفاظ کے ساتھ توہین کی جارہی ہے۔ بعد میں افریقی بولی بولنے والے افراد نے لیبی گروپ کے افراد کے ہاتھوں پر ہتھکڑیاں لگا کر ان کے کپڑے اتار دیے ۔ ان کو چھت سے بھی لٹکایا گیا۔ زاویہ شہر میں مسلح ملیشیا بظاہر لیبیا کے لوگوں کو تشدد کا نشانہ بنا رہی ہے۔ تاہم اس گھناؤنے اقدام سے ان کا مقصد واضح نہیں تھا۔

ویڈیو کے پھیلنے کے بعد زاویہ شہر کے درجنوں افراد نے مسلح ملیشیا کے بڑھتے کنٹرول اور تسلط کے خلاف اور علاقے میں جرائم کی بڑھتی تعداد کے خلاف مظاہرہ کیا۔ مظاہرین نے سکیورٹی کنٹرول کرنے کے مطالبہ پر مبنی نعرہ بازی کی۔ مظاہرین نے کئی سڑکیں بلاک کردی۔ سڑکوں کو بلاک کرنے سے شہر میں تعلیمی اداروں کو بھی بند کردیا گیا تھا۔

زیر گردش کلپس نے سوشل میڈیا پر سرگرم کارکنوں کے عدم اطمینان کو بھی جنم دیا، جیسا کہ بلاگر نادیہ نے لکھا کہ سوشل میڈیا پر ایک ویڈیو کلپ کا پھیلنا مغربی لیبیا کے شہر زاویہ سے لیبیا کے شہریوں پر تشدد کو دکھا رہا اور غیر قانونی تارکین وطن کی جانب سے قانون کی کھلم کھلا خلاف ورزی کی تصدیق کر رہا ہے۔ انہوں نے سیکیورٹی حکام سے بھی مطالبہ کیا کہ وہ لیبیا کی سرزمین سے تارکین وطن کو ملک بدر کرنے کے لیے کارروائی کریں۔

مقبول خبریں اہم خبریں

مقبول خبریں