خون کی کمی کے علاج کے لیے 10 جادوئی پھل

خون میں آکسیجن لے جانے کے لیے ہیموگلوبن ضروری ہے اور اس کی کم سطح خون کی کمی کا باعث بنتی ہے۔ خون کی اس کمی سے تھکاوٹ اور کمزوری کا احساس ہوتا ہے۔ آئرن اور وٹامن سی سے بھرپور عناصر پر مشتمل صحت مند غذا پر عمل کرنے سے خون کی کمی کے معاملات میں بہتری لائی جا سکتی ہے۔ لیکن ساتھ ہی ماہرین کا مشورہ ہے کہ خوراک میں کوئی تبدیلی کرنے سے پہلے ماہر ڈاکٹر سے رجوع کر لیا جائے۔

امریکی ٹیلی ویژن نیٹ ورک ’’ سی این بی سی‘‘کی طرف سے شائع ہونے والی رپورٹ کے مطابق آئرن، وٹامن سی اور فولک ایسڈ سے بھرپور 10 پھل ایسے ہیں جو قدرتی طور پر ہیموگلوبن کی سطح کو بڑھانے میں مدد کر سکتے ہیں۔ یہ پھل درج ذیل ہیں۔

1. انار

انار آئرن، وٹامن سی اور اینٹی آکسیڈنٹس سے بھرپور ہوتے ہیں اور آئرن کو بہتر طریقے سے جذب کرنے میں مدد دیتے ہیں۔

2. سیب

سیب میں آئرن کی معتدل سطح ہوتی ہے۔ یہ خیال کیا جاتا ہے کہ وٹامن سی کے ذرائع کے ساتھ استعمال ہونے پر ہیموگلوبن کی پیداوار میں بہتری آتی ہے۔

3. کیلا

کیونکہ کیلے میں آئرن اور وٹامن بی 6 بھرپور ہوتا ہے تو یہ خون کے سرخ خلیات کی پیداوار میں مدد دیتے ہیں۔

4. کھجور

کھجوریں آئرن اور فولک ایسڈ کا قدرتی ذریعہ ہیں۔ یہ فوری توانائی فراہم کرتی ہیں اور ہیموگلوبن کی سطح کو بہتر کرتی ہیں۔

5. تربوز

خیال کیا جاتا ہے کہ جب تربوز اعتدال میں کھایا جاتا ہے تو آئرن اور وٹامن سی کے ساتھ پانی کی زیادہ مقدار آئرن کے جذب کو بڑھاتی ہے۔

6. امرود

امرود وٹامن سی سے بھرپور پھل ہے جو آئرن کے جذب کو بڑھاتا ہے۔ اس میں خود بھی آئرن کی تھوڑی مقدار موجود ہوتی ہے۔

7. بیریز

بیریز کو وٹامن سی، فولک ایسڈ اور اینٹی آکسیڈنٹس سے مالا مال سمجھا جاتا ہے۔ بیر آئرن کو جذب کرنے اور خون کی تشکیل میں مدد دیتے ہیں۔

8. آلو بخارا

آلو بخارے آئرن، وٹامن سی اور فائبر سے بھرپور ہوتے ہیں اور خیال کیا جاتا ہے کہ یہ خون کی کمی کا قدرتی علاج ہے۔

9. اورنج

سنترے اپنے وٹامن سی کے اعلیٰ مواد کی بدولت آئرن کے جذب کو بڑھانے میں مدد کرتے ہیں اور خون کے سرخ خلیات کی تشکیل میں بھی مدد کرتے ہیں۔

10. انجیر

انجیر آئرن اور ضروری معدنیات کا ایک اچھا ذریعہ ہے۔ یہ وقت کے ساتھ ہیموگلوبن کی سطح کو بہتر بنانے میں مدد کرتا ہے۔