طب کے شعبے میں تحقیق پر دو سائنسدان نوبیل پرائز کے حقدار قرار پائے

عالمی وبا کرونا کی ویکسین بنانے کے کام کو آگے بڑھانے والے سائنسدانوں نے طب کا نوبیل پرائز جیت لیا ہے۔

تفصیلات کے مطابق سویڈن کے دارالحکومت سٹاک ہوم میں قائم رائل سویڈش اکیڈمی آف سائنس نے کاٹالن کریکو اور اینڈریو ویزمین کو مشترکہ طور پر آٹھ لاکھ 23 ہزار یورو کی انعامی رقم دینے کا اعلان کیا ہے۔

دونوں سائنسدانوں کو سنہ 2023 کا نوبل انعام فزیالوجی یا طب کے شعبے اُن کی خدمات کے صلے میں دیا گیا۔ دونوں نے عالمی وبا کرونا کے خلاف مدافعت پیدا کرنے کی ویکیسین بنانے کے لیے تحقیق کی تھی۔

ہنگری نژاد امریکی بائیو کیمسٹ کاٹالن کریکو اور امریکی فزیشن سائنسدان ڈریو ویزمین: اے ایف پی

اس تحقیق نے کرونا ویکسین کی تیاری اور وبا کو روکنے میں اہم کردار ادا کیا تھا۔