سعودی عرب میں اہم عہدوں پر نئی تقرریاں، شاہی فرمان جاری

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی فرمانروا خادم حرمین شریفین شاہ سلمان بن عبد العزیز نے متعدد شاہی فرامین جاری کیے جن میں شہزادہ ڈاکٹر عبد العزیز بن محمد بن عبد العزیز عیاف آل مقرن کو مشیر خاص مقرر کیا۔ شہزادہ عبدالعزیز بن محمد کا عہدہ وزیر کے برابر ہوگا۔

اس کے علاوہ شہزادہ عبدالعزیز کو نائب وزیر نیشنل گارڈ کا بھی عہدہ تفویض کر دیا گیا۔

اس کے علاوہ شاہ سلمان نے سابق نائب وزیر نیشنل گارڈ عبد المحسن بن عبد العزیز التویجری کو اپنے منصب سے سبکدوش کر کے ایوان شاہی میں مشیر مقرر کر دیا ہے۔

شاہ سلمان نے خالد بن محمد بن عبد العزیز العبد الکریم کو سیکریٹری کابینہ مقررکیا ہے۔

شاہی فرمان میں شیہانہ بنت صالح بن عبد اللہ العزاز کو نائب سیکریٹری کابینہ کے منصب سے سبکدوش کرکے ایوان شاہی میں مشیر مقرر کر دیا گیا ہے۔

اسی طرح مازن بن ترکی بن عبد اللہ السدیری کو کابینہ کونسل میں مشیر مقرر کیا گیا ہے۔

شاہی فرمان کے مطابق انجینئر سامی بن عبد اللہ مقیم کو سعودی ڈیٹا اور مصنوعی ذہانت اتھارٹی میں نائب سربراہ جبکہ الربدی بن فہد بن عبد العزیز کو قومی ڈیٹا ادارے کے سربراہ کے طور پر مقرر کیا گیا ہے۔

شاہ سلمان نے عبد المحسن بن سعد عبد المحسن کو نائب وزیر خزانہ، عبد العزیز بن سعود بن عبد العزیز الدحیم کو نائب وزیر تجارت، ڈاکٹر عبد اللہ بن علی بن محمد الاحمری کو نائب وزیر صنعت اور انجینئر انس بن عبد اللہ بن حمد الصلیع کو نائب وزیر سیاحت مقرر کیا ہے۔

مقبول خبریں اہم خبریں

مقبول خبریں