مصر: 2024ء میں دائر طلاق کی عجیب وغریب وجوہات جن پر یقین کرنا بھی مشکل ہے

سال 2024ء کے دوران فیملی کورٹس نے طلاق اور علیحدگی کے بہت سے کیسز دیکھے جن کی وجوہات اور کہانیاں مختلف ہیں، لیکن کچھ کہانیوں میں عجیب وغریب اور مضحکہ خیز وجوہات شامل ہیں جن کی وجہ سے میاں بیوی میں سے ایک کو طلاق حاصل کرنے کے لیے عدلیہ کا سہارا لینا پڑا۔

کیا آپ سوچتے ہیں کہ مائکروویو آپ کی شادی شدہ زندگی کو تباہ کر سکتا ہے؟

یا بیوی کے کھانے کے لیے مٹی خریدنے سے شوہر کا انکار اسے طلاق دینے پر مجبور کرتا ہے؟

یا بیوی کو اپنے شوہر سے نمٹنے کے لیے لکڑی کی چھڑی سے مارنے کے علاوہ کوئی راستہ نہیں ملا؟

یا بیوی نے طلاق کا مطالبہ کیا کیونکہ اس کے شوہر نے اسے مالدیپ جانے کی اجازت دینے سے انکار کر دیا تھا؟۔

بیوی نے مائیکرو ویو پر طلاق کی درخواست دے دی

اس واقعے میں شوہر نے تصدیق کی کہ اس کی بیوی نے اسے نقصان پہنچانے کے لیے طلاق کے مقدمے کے ساتھ اس کا پیچھا کرنے کا سہارا لیا تھا۔ عدالت میں فضول خرچی کا مقدمہ دائر کیا اور اس پر تحریری اجازت کے بغیر اس کی منقولہ جائیداد کو تصرف میں لانے کا الزام لگایا تھا، کیونکہ اس کی ماں نے مائیکرو ویو اس وقت لیا جب اس کی بیوی اپنے خاندان کے گھر جا رہی تھی۔

شوہر کا کہنا تھا کہ اس کی بہن کو طلاق ہو گئی ہے اور وہ ماں کے گھر رہتی ہے۔ اس کے پاس کوئی فرنیچر نہ ہونے کی وجہ سے اس نے اسے مائیکرو ویو لینے کو کہا۔ اس واقعے کے بعد اس کی زندگی ہی الٹ گئی۔

جوتے کا سائز 45 پر تنازعہ

بیوی کی طرف سے لائے گئے ایک اور کیس میں خاتون نے کہا کہ وہ ہمیشہ اس کے جوتے کے سائز کی وجہ سے اسے طعنے دیتا تھا۔ اس کا مذاق اڑایا کرتا تھا اور ہمیشہ اس کے بارے میں کہتا تھاکہ "اس کی ٹانگ شحہا ابو کف کی طرح لگتی ہے اور اس کا سائز بہت بڑا ہے اور جوتے کا نمبر 45 ہے۔

فیملی کورٹ میں ایک عجیب و غریب کیس میں بیوی نے اپنے شوہر کے خلاف خلع کا دعویٰ دائر کرتے ہوئے کہاک"وہ ہمیشہ میری ٹانگ کی وجہ سے مجھے تنگ کرتا۔ میں اسے بتاتی یہ خدا کی تخلیق ہے اور اس میں میرا کوئی کردار نہیں"۔

پہلے تو بیوی نے شوہر کی بدمعاشی کو نظر انداز کیا لیکن 3 سال گذرنے کے بعد بیوی کو اپنی تذلیل محسوس ہوئی اور اس نے فوراً فیملی کورٹ میں جا کر اپنے شوہر کے خلاف طلاق کا دعویٰ دائر کر دیا۔

کھانے کے لیے "مٹی" خریدنے سے انکار پر خلع

اس کے علاوہ مصر میں فیملی کورٹ کے سامنے ایک عجیب و غریب کیس میں ایک بیوی نے اپنے شوہر سے اس لیے خلع لے لیا کیونکہ وہ حاملہ تھی اور شوہر نے اس کے کھانے کے لیے "مٹی" خرید کردینا بند کر دیا تھا!۔

بیوی کے حاملہ ہونے کے بعد اس کی ’’مٹی‘‘ کھانے کی طلب بڑھ گئی جسے شوہر مصر کے پڑوسی عرب ملک میں سے ایک سے آن لائن ویب سائٹس کے ذریعے خریدتا تھا۔

قیمتوں میں اضافے اور مالی ذمہ داریوں کے بوجھ تلے دبے شوہر نے اپنی بیوی کے لیے "مٹی" خریدنا بند کرنے کا فیصلہ کیا،کیونکہ اسے ملک سے باہر کھانے کی مٹی منگونے میں ہزاروں پاؤنڈز خرچ ہو رہے تھے۔ اس نے کہا کہ مٹی بیوی کی بنیادی چیزوں میں شامل نہیں ہے۔

الماری سے پیلیٹ نکالنے کی وجہ سے طلاق کے لیے درخواست

ایک خاتون کی جانب سے اپنے شوہر کے خلاف دائر کردہ طلاق کے مقدمے میں شوہر نے کہا کہ اس کی بنیادی وجہ یہ تھی کہ اس نے "الماری سے پلیٹ نکالی۔ صرف یہی نہیں اس نے شوہر کو تھپڑ مارے اور اس پر حملہ کیا اس کے بعد طلاق کی درخواست دے دی"۔

ایک دن شوہر نے "طاق" سے ایک پلیٹ نکالنا چاہی تو بیوی نے زبردستی بھڑک کر اس سے جھگڑا کیا۔ جھگڑا بڑھتا گیا یہاں تک کہ اس نے اس کے منہ پر تھپڑ مار دیا، لیکن اس نے اپنے اعصاب پر قابو رکھا تاکہ اس پر حملہ نہ ہولیکن آخر میں بیوی نے اس کے خلاف ایک طلاق کا مقدمہ دائر کرنے کا فیصلہ کیا۔

میری بیوی مجھے مار کر نیند سے جگاتی ہے

ایک مزاحیہ طلاق کیس میں ایک 35 سالہ نوجوان نے کہا کہ میں اپنی بیوی کو بہت وفادار اور دیانت دارسمجھتا تھا۔ مجھے یقین تھاکہ وہ میری غیر موجودگی میں اپنی اور اپنی ناموس کی حفاظت کر گی‘۔

تاہم شادی کے بعد اسے معلوم ہوا کہ اس کی بیوی کا رویہ اس کے ساتھ متشدد تھا۔ وہ اس مقام تک پہنچ گئی کہ وہ اس کی مارا پیٹ کرتی۔ نوجوان کہا کہ ایک دن بیوی نے اسے لکڑی کی چھڑی سے مارا اور شوہر اس کی توہین برداشت نہ کر سکا۔

نوجوان نے کیس میں لکھا کہ بیوی اسے نیند سے بیدار کرنے کے لیے لکڑی کی چھڑی سےمارتی ہے۔

16 ہزار پاؤنڈ میں بیگ خریدنے سے انکار

بیویوں کی جانب سے شوہر پر کنجوسی کا الزام لگاتے ہوئے درج کرائے گئے مقدمات میں بیوی نے جیسے ہی شوہر سے 16 ہزار پاؤنڈ مالیت کا بیگ خریدنے کا کہا تو تو اس نے اتنا مہنگا بیگ خریدنے سے معذرت کی تو بیوی نے فیملی کورٹ سے رجوع کرلیا۔ بیوی بھاگ کر عدالت میں پہنچ گئی۔ فیملی کورٹ نے مطالبہ کیا کہ شوہر کی کنجوسی کی وجہ سے اس کے خلاف طلاق کا مقدمہ درج کیا جائے۔

میرا شوہر کنجوس ہے اور مجھے مالدیپ نہیں لے جانا چاہتا

اس کے علاوہ فیملی کورٹ کی ایک عجیب و غریب کہانی یہ ہے کہ ایک بیوی نے اپنے شوہر کے خلاف طلاق کا مقدمہ دائر کر دیا جو کہ ایک امیر آدمی ہے۔ اس کی انتہائی کنجوسی اور اس کی مار پیٹ اور اس کی توہین کرنے کی وجہ سے وہ طلاق لینے پر مجبور ہے۔

بیوی نے کہا کہ "تنازعےکی شروعات اس وقت ہوئی جب میں نے اپنے شوہر سے کہا کہ وہ مجھے موسم گرما مالدیپ لے جائے۔ اس نے انکار کر دیا۔ اس طرح اس نے میری توہین کی۔ اس نے مجھے طلاق دینے کی دھمکی دی۔ اس لیے میں نے عدالت میں طلاق کا دعویٰ دائر کر دیا۔

"میرا شوہر غسل نہیں کرتا"

ذاتی صفائی کی وجہ سے طلاق کی درخواست کے کیسز میں فیملی کورٹ میں طلاق کا دعویٰ دائر کرنے والی بیوی نے بتایا کہ اس نے اپنے شوہر کے خلاف مقدمہ دائر کرنے اور اس سے علیحدگی کی درخواست کرنے کی بنیادی وجہ اس کی ذاتی صفائی کا فقدان تھا"۔ شوہر نہاتا نہیں تھا۔ یہاں تک کہ ایک بار میں اسے اس کی سالگرہ پر صابن اور تولے کا تحفہ بھی دیا۔ اس کے ساتھ کام کرنے والے بھی اس کی صفائی ستھرائی کے معاملے میں لاپرواہی کی شکایت کرتے ہیں۔

وہ اپنے نتھنوں میں کھیلتا ہے

ذاتی حفظان صحت سے متعلق وجوہات کی بناء پر طلاق کی درخواست پر مشتمل ایک اور معاملے میں بیوی نے اپنے شوہر کے خلاف طلاق کا مقدمہ دائر کیا کیونکہ وہ اپنے نتھنوں سے کھیلتا تھا۔