ایک حساس وقت میں جب یوکرین پر روسی حملے کی تیسری برسی کا موقع ہے فرانسیسی شہر مارسیلی میں روسی قونصل خانے میں پراسرار دھماکہ ہوگیا ۔ العربیہ کے نمائندے نے پیر کے روز اطلاع دی ہے کہ درجنوں فائر فائٹرز قونصل خانے کے قریب پہنچ گئے ہیں۔
پہلا روسی تبصرہ
مارسیلی میں روسی قونصل جنرل سٹینسلاو اورانسکائی نے کہا ہے کہ فائر فائٹرز جائے وقوعہ پر پہنچ چکے ہیں۔ قونصل خانے کے اندر ہونے والے دھماکے کے نتیجے میں کوئی جانی نقصان نہیں ہوا۔ انہوں نے یہ بھی کہا کہ قونصل خانے پر 3 بارودی مواد پھینکے گئے ہیں۔ روسی وزارت خارجہ نے اپنے پہلے تبصرے میں کہا ہے کہ دھماکہ دہشت گردی کی نوعیت کا تھا۔ قونصل جنرل نے فرانس سے مطالبہ کیا کہ وہ حملے کی تحقیقات کے لیے جامع اقدامات کرے۔
ابتدائی معلومات میں بتایا گیا ہے کہ نامعلوم افراد نے دو مولوٹوف کاک ٹیل قونصل خانے کے باغ میں پھینکے ہیں۔ جائے وقوعہ کے قریب سے ایک چوری شدہ کار ملی ہے تاہم مقامی میڈیا کے مطابق اس میں کوئی فرد زخمی نہیں ہوا ہے۔ یہ دھماکہ یوکرین کے ساتھ یکجہتی کا مضبوط پیغام لے کر روس کے حملے کی تیسری برسی کے موقع پر پیر کے روز یورپی یونین کے رہنما کے کیف پہنچنے کے بعد ہوا ہے۔
یورپی یونین نے اس بات کی تصدیق کی ہے کہ وہ یوکرین کے لیے اپنی سیاسی اور فوجی حمایت جاری رکھے ہوئے ہے۔ بحری جہازوں سے منسلک ایسے لوگوں اور کمپنیوں پر پابندیوں کے نئے پیکج کے نفاذ کا اعلان بھی کیا گیا جو مبینہ طور پر روسی "شیڈو فلیٹ" سے تعلق رکھتے اور روسی فوجی صنعتی کمپلیکس کے کام کی حمایت کرتے ہیں۔ 22 فروری 2022 کو یوکرین کے پڑوسی پر روسی حملے کے آغاز کے بعد سے مغرب نے یوکرین کی بھرپور حمایت کرتے ہوئے روسیوں پر سخت پابندیاں عائد کر دی ہیں۔
