ڈونلڈ ٹرمپ نے کاملا ہیرس اور ہیلری کلنٹن کے لیے سیکیورٹی کلیئرنس واپس لے لی

امریکی صدر ڈونلڈ ٹرمپ نے اپنے ڈیموکریٹک مخالفین کے خلاف تازہ ترین اقدام میں سابق نائب صدر کاملا ہیرس، سابق وزیر خارجہ ہیلری کلنٹن اور دیگر کی سکیورٹی کلیئرنس واپس لے لی ہے۔

برطانوی خبر رساں ادارے رائٹرز کے مطابق سابق صدر جو بائیڈن کی سکیورٹی کلیئرنس بھی منسوخ کرنے والے ریپبلکن صدر نے 2016 کے صدارتی انتخابات میں ہلری کلنٹن اور گزشتہ سال کے انتخابات کاملا میں ہیرس کو شکست دی تھی۔

"میں نے طے کیا ہے کہ درج ذیل افراد کے لیے خفیہ معلومات تک رسائی اب قومی مفاد میں نہیں ہے،" یہ بات ٹرمپ نے جمعے کے آخر میں ایک میمورنڈم میں کہی جس میں سابق وزیر خارجہ انٹونی بلنکن بھی شامل تھے۔

اگرچہ سکیورٹی کلئیرنس منسوخی کے فوری اثرات شاید نہ ہوں لیکن یہ واشنگٹن میں بڑھتی ہوئی سیاسی رسہ کشی کی ایک اور علامت ہے کیونکہ ٹرمپ اپنے تصور کردہ دشمنوں سے انتقام لینے کے خواہاں ہیں۔

ٹرمپ اختتامِ ہفتہ پر نیو جرسی میں اپنے گالف کلب پہنچے جس کے چند گھنٹے بعد یہ میمورنڈم جاری کیا گیا۔

ٹرمپ نے ریپبلکن کی سابق نمائندہ لز چینی جو ٹرمپ کی سخت ناقد ہیں، بائیڈن کے سابق مشیر برائے قومی سلامتی جیک سلیوان اور فیونا ہل کو بھی نشانہ بنایا۔ ہل روسی امور کی ماہر ہیں، جنہوں نے ٹرمپ کی پہلی مدت کے دوران ان کی قومی سلامتی کونسل میں خدمات انجام دیں۔

واشنگٹن میں قومی سلامتی کے وکیل مارک زید اور سابق ریپبلکن قانون ساز ایڈم کنزنگر جو ٹرمپ کے سخت ناقد ہیں، کئی دیگر لوگوں میں شامل ہیں جن کی کلئیرنس منسوخ کر دی گئی تھی۔

ٹرمپ نے پہلے ہی سابق صدر بائیڈن کو امریکی انٹیلی جنس تک روایتی رسائی دینے سے انکار کرتے ہوئے ان کی سکیورٹی منسوخ کر دی تھی۔

سابق امریکی صدور روایتی طور پر انٹیلی جنس بریفنگ حاصل کرتے رہے ہیں تاکہ وہ موجودہ صدور کو قومی سلامتی اور خارجہ پالیسی پر مشورہ دے سکیں۔

بائیڈن نے بھی 2021 میں اس وقت کے سابق صدر ٹرمپ کی سکیورٹی کلئیرنس بھی منسوخ کر دی تھی۔