امریکہ کی مشہور اور معتبر درسگاہ کولمبیا یونیورسٹی کے فیکلٹی کے گروپس ٹرمپ انتطامیہ کی طرف سے حالیہ مہینوں میں فنڈنگ میں کمی اور بعض تعلیمی اداروں کے خلاف عدالت میں مقدمہ دائر کر دیا ہے۔ جو اس امر کا اظہار ہے کہ جس تنازعہ کو پہلے صرف طلبہ کی طرف سے باور کرانے کی کوشش تھی اب اساتذہ بھی اس میں متحرک حصے کے طور پرموجود ہیں۔
کولمبیا یونیورسٹی کے پروفیسروں کے نمائندہ گروپوں نے منگل کے روز ٹرمپ انتظامیہ پر مقدمہ دائر کیا ہے۔ اس انتظامیہ نے یونیورسٹی کو کیمپس میں ہونے والے مظاہروں پر قوانین کو سخت کرنے پر مجبور کرنے کے لیے فنڈز کا دباؤ استعمال کرنے کے اقدامات کےطور پر فنڈز میں 400 ملین ڈالرکمی کر دی ہے۔
'امیریکن ایسوسی ایشن آف یونیورسٹی پروفیسرز' اور 'امیریکن فیڈریشن آف ٹیچرز' نے مین ہٹن فیڈرل کورٹ میں اپنے دائر کیے گئے مقدمے میں موقف اختیار کیا ہے کہ یہ اقدام ٹرمپ انتظامیہ کی یونیورسٹی کی تعلیمی خودمختاری اور سوچ کو فکر کو غیر معمولی طور پر دبانے کی ایک غیر قانونی کوشش ہے۔
امریکی ٹرمپ انتظامیہ کولمبیا یونیورسٹی کے کیمپس میں تقریر اور اظہار کے حق کو محدود کرنے کی کوشش کر رہی ہے۔اس سلسلے میں ان فنڈز کو روکا جا رہا ہے جو یونیورسٹی کے نظام کو سائنسی، طبی اور تکنیکی تحقیق کے میدانوں میں قائدانہ کردار ادا کرنے کے لیے یونیورسٹی کو موقع دیتے ہیں۔
ٹرمپ انتظامیہ نے یونیورسٹی پر کیمپس میں سام دشمنی ہراساں کرنے کا الزام عائد کیا ہے اور مطالبہ کیا ہے کہ وہ ایک مخصوص شعبہ یعنی مشرق وسطیٰ، جنوبی ایشیا اور افریقی اسٹڈیز کو اکیڈمک ریسیور شپ میں رکھے۔ ٹرمپ انتظامیہ کا یہ ایک غیر معمولی اقدام ہے جس کے تحت یونیورسٹی کے حکام نے غیر فعال تصور کیے جانے والے شعبہ میں فیکلٹی سے اختیارات چھین لیے ہیں۔
دوسری جانب ٹرمپ انتطامیہ نے اپنے اقدام کے حق میں کوئی ثبوت پیش کرنے سے بھی انکار کر دیا ہے۔ مزید یہ کہا ہے کہ ' رسیور شپ' کا یہ مطالبہ غیر آئینی نہیں ہے۔ گویا اس طرح ٹرمپ ان اساتذہ کو انتقامی کارروائیوں کا نشانہ بنانے کا اختیار حاصل کرنے کی کوشش کی ہے جو ٹرمپ انتطامیہ سے مختلف سوچ رکھتے ہوں۔
کولمبیا یونیورسٹی کی انتظامیہ نے بھی جزوی طور پر ٹرمپ انتظامیہ کے مطالبات مان لیے ہیں، نیز یہ بھی کہا ہے کہ اس نے پہلے ہی گرفتاری کے حقوق لے لیے ہیں۔
یاد رہے کولمبیا یونیورسٹی میں ٹرمپ انتطامیہ نے نہ صرف اس کے نیو یارک سٹی کیمپس بلکہ ملک بھر کی یونیورسٹیوں میں انتظامیہ کی طرف سے انتقامی کارروائیوں سے خوف اور سنسرشپ کا ماحول پیدا کر دیا ہے۔
مقدمے میں یہ کہا گیا ہے کہ ان اقدامات سے تقریراور پس منظر سے تعلق رکھنے والے طلباء کو ہراساں کیے جانے سے بچایا جانا چاہیے۔ اس لیے عدالت سے مطالبہ ہے کہ انتظامیہ کو منسوخ شدہ گرانٹس اور معاہدوں میں 400 ملین ڈالر کی رقم بحال کرنے کا حکم دے اور اسے اپنے مطالبات کو نافذ کرنے کے لیے کوئی بھی کارروائی کرنے سے روک دے۔
