ٹرمپ قتل کی سازش کے مرتکب ملزم کے مقدمے کی سماعت کا آغاز

امریکی ریاست فلوریڈا میں صدارتی انتخابی مہم کے دوران سابق صدر ڈونلڈ ٹرمپ پر حملے کی سازش کرنے والے ایک شخص کا مقدمہ منگل کے روز جیوری کے انتخاب سے شروع ہوا ہے۔ یہ شخص گذشتہ سال گرفتار کیا گیا تھا۔

پیر کے روز اس مشتبہ شخص کو جیوری ارکان کے سامنے پیش کیا گیا۔ نیویارک ٹائمز اور اے بی سی نیوز کے مطابق اس نے کہا:"میں معذرت خواہ ہوں کہ آپ یہاں ہیں۔ مجھے اس پر افسوس ہے۔"

اے بی سی نیوز کے مطابق اس کی معذرت کا تعلق مبینہ جرائم سے نہیں بلکہ اس امکان سے تھا کہ جیوری ارکان کو اگلے تین ہفتے عدالت میں اس کے ساتھ رہنا پڑے گا۔

تقریباً ایک سال قبل اس نے عدالت میں کسی بھی جرم کے ارتکاب سے انکار کیا تھا۔ اس کا مقدمہ غیر معمولی ہے کیونکہ وہ اپنا وکیل خود ہے۔

میڈیا رپورٹس کے مطابق مشتبہ شخص کا نام رائن ویسلی روتھ ہے اور اس کی عمر پچاس کے قریب ہے۔