چند احتیاطوں کے ساتھ ناشتے میں جو کے دلیہ کا استعمال وزن گھٹاتا ہے!
صبح کے وقت دلیہ (اوٹس) کا استعمال وزن میں کمی لاتا ہے، لیکن کچھ شرائط کے ساتھ
ہیلتھ میگزین کے مطابق جو کا "دلیہ'' عام طور پر ناشتہ میں کھایا جاتا ہے۔ اسے صحت کے لیے فائدہ مند غذائی اجزاء کی وجہ سے وزن کم کرنے میں مددگار سمجھا جاتا ہے کیونکہ یہ بھوک کم کرتا ہے۔
وہ کون سی وجوہات ہیں جو دلیے کو بھوک کنٹرول کر کے وزن کم کرنے کا باعث بناتی ہیں؟
فائبر سے بھر پور
جو کا دلیہ "بیٹاگلوکن" (Beta-glucan) بنانے کا اچھا ذریعہ ہے، جو ایک قسم کا حل پذیر فائبر ہے جو پانی کے ساتھ مل کر ہاضمے کے لیے مدد گار ثابت ہوتا ہے۔
یہ آپ کو طویل عرصے تک پیٹ بھرے رہنے کا احساس دلاتا ہے، جو وزن کنٹرول کرنے میں مددگار ہے۔
حل پذیر فائبر بلڈ شوگر کو منظم کرنے اور کولیسٹرول کی سطح کم کرنے میں بھی مدد دیتا ہے۔ ایک رپورٹ کے مطابق جو لوگ ناشتے میں دلیہ کھاتے تھے، انہیں زیادہ پیٹ بھرنے کا احساس ہوا اور وہ بعد میں ہلکی پھلکی کم غذا کھانے کے خواہشمند تھے، اس کے مقابلے میں جو صرف مالٹا (سنترا) (نارنگی )کھاتے تھے۔
بلڈ شوگر کا کم انڈیکس
بلڈ شوگر انڈیکس یہ بتاتا ہے کہ کھانے کا خون میں شوگر پر کیا اثر پڑتا ہے۔ جتنا زیادہ انڈیکس ہو گا، شوگر پر اثر اتنا ہی زیادہ ہو گا۔
جو کا دلیہ سے بلڈ شوگر انڈیکس کم ہوتا ہے، یعنی یہ توانائی آہستہ اور مستحکم انداز میں فراہم کرتا ہے۔
یہ خون میں شوگر کو مستحکم رکھنے اور شدید بھوک کو کم کرنے میں بھی مددگار ہے۔
ہاضمہ بہتری میں معاون
دلیے میں موجود فائبر آنتوں کی نظام کو درست رکھنے میں مدد دیتے ہیں اور مفید بیکٹیریا کی افزائش کو سپورٹ کرتے ہیں، جو موٹاپے سے بچاؤ میں مددگار ہو سکتا ہے۔ تاہم، ان نتائج کی تصدیق کے لیے انسانوں پر مزید تحقیق کی ضرورت ہے۔
لیکن دلیے کو تیار کرنے کا طریقہ اس کی غذائی قدر پر اثر ڈال سکتا ہے، جو آپ کے وزن کو کم کرنے کے اہداف پر بھی اثر انداز ہو سکتا ہے۔
کچھ باتیں جن کا خیال رکھنا ضروری ہے"
شکر کا اضافہ
بہت سے تیار شدہ دلیے کے پیکٹس میں اضافی شکر ہوتی ہے، جو ہر پیکٹ میں 12 گرام یا اس سے زیادہ ہو سکتی ہے۔ یہ اضافی کیلوریز فراہم کرنے کے ساتھ ساتھ بغیر کسی صحت بخش فائدے کے وزن بڑھا سکتی ہے۔
"بلند حراروں والے اجزاء"
اگرچہ براؤن شوگر [دیسی شکر]، خشک میوہ جات ذائقہ اور غذائی اجزاء فراہم کرتے ہیں، یہ کیلوریز بڑھاتے ہیں جو وزن بڑھانے میں مددگار ہو سکتے ہیں۔
پروٹین پر قابو
ایک کپ تیار شدہ دلیے کے (تقریباً 150 حراروں) سے شروع کریں، تاکہ آپ پروٹین اور اس میں بادام اور دیگر مقوی چاروں مغز وغیرہ شامل کر سکیں، جو زیادہ دیر تک پیٹ بھرنے کا احساس دلاتے ہیں۔
