پینٹاگون نے منگل کو کہا کہ ایران کے خلاف جنگ شروع ہونے سے اب تک حملوں میں تقریباً 140 امریکی فوجی اہلکار زخمی ہو چکے ہیں۔
پینٹاگون کے ترجمان شان پارنیل نے ایک بیان میں کہا، "ان میں سے زیادہ تر معمولی زخمی تھے اور 108 سروس ممبران پہلے ہی ڈیوٹی پر واپس آچکے ہیں۔"
انہوں نے مزید کہا، "سروس کے آٹھ ارکان شدید زخمیوں کے طور پر درج ہیں اور انہیں اعلیٰ درجے کی طبی امداد مل رہی ہے۔"
امریکی فوج نے پہلے کہا تھا کہ تنازع کے اوائل میں ایرانی حملوں میں سات امریکی فوجی اہلکار ہلاک بھی ہوئے تھے۔
امریکی اور اسرائیلی افواج نے 28 فروری کو ایران پر حملہ کیا اور ایران نے میزائل اور ڈرون حملوں سے جواب دیا جس کے بعد سے تینوں ممالک میں جنگ جاری ہے۔
پینٹاگون کے سربراہ پیٹ ہیگستھ نے منگل کے اوائل میں کہا تھا، ایران کے خلاف امریکی حملے تیز ہو رہے ہیں جبکہ ایران کی طرف سے داغے جانے والے ڈرونز اور میزائلوں کے حجم میں ڈرامائی طور پر کمی آئی ہے۔
