یونان نے حماس سے تعلق کے شبے میں ایک فلسطینی کو گرفتار کر لیا: پولیس

یونان نے ایک فلسطینی شخص کو گرفتار کیا ہے جس پر "دہشت گردانہ کارروائیوں کی منصوبہ بندی" کے سلسلے میں حماس سے تعلق کا شبہ ہے۔

میڈیا رپورٹس کے مطابق 37 سالہ شخص کو ہفتے کے روز جزیرہ کریٹ سے گرفتار کیا گیا جہاں وہ ایک ہوٹل میں موجود تھا۔

پولیس نے ایک بیان میں کہا، "اب تک دستیاب معلومات کے مطابق اس کا تعلق ان افراد سے تھا جو قبرص میں حال ہی میں دہشت گردی سے متعلق جرائم میں گرفتار کیے گئے ہیں۔" انہوں نے مزید کہا کہ اس نے مبینہ طور پر حماس سے "تربیت حاصل کی"۔

یونانی میڈیا نے اطلاع دی ہے کہ یہ شخص ممکنہ طور پر ایک اسرائیلی کروز جہاز کو نشانہ بنانے والا تھا جس کی منگل کو کریٹ آمد متوقع تھی۔

سرکاری ٹی وی ای آر ٹی نے کہا کہ اس شخص نے وسطی ایتھنز میں ایک فلیٹ کرائے پر لیا ہوا تھا جہاں سے پولیس کو لیبارٹری کے آلات اور کیمیکل ملے جو بم بنانے کے لیے استعمال کیے جا سکتے تھے۔

پولیس نے بتایا ہے کہ تحقیقات جاری ہیں۔