لندن میں ایرانی صحافی کو چاقو مارنے کے الزام میں رومانیہ کے دو افراد کو جیل بھیج دیا گیا

رومانیہ کے دو افراد کو ایک صحافی کو چاقو مارنے کے جرم میں جمعہ کو جیل بھیج دیا گیا۔ ان کے بارے میں برطانوی استغاثہ نے کہا ہے کہ وہ ایرانی حکومت کی پراکسی کے طور پر کام کر رہے تھے۔ مذکورہ صحافی لندن میں فارسی زبان کی ایک میڈیا تنظیم کے لیے کام کرتے تھے۔

پوریا زراعتی کے نام سے معروف ایک ایرانی نژاد برطانوی صحافی جو ایران انٹرنیشنل کے لیے کام کرتے ہیں، کو مارچ 2024 میں جنوب مغربی لندن میں ان کے گھر کے قریب ٹانگ میں تین بار چھرا گھونپا گیا تھا۔

اکیس سالہ نندیتو بادیا اور 25 سالہ جارج سٹینا دونوں نے صحافی کو ارادۃً زخمی کرنے کے الزامات کا اعتراف نہیں کیا لیکن انہیں جون میں لندن کی وولوچ کراؤن کورٹ میں سزا سنائی گئی۔ بادیا کو آٹھ سال اور سٹینا کو 12 سال قید کی سزا سنائی گئی۔