سرکاری میڈیا کے حوالے سے ایرانی حکام نے جمعہ کے روز اعلان کیا کہ امریکی حملے ملک کے شمال میں واقع گیلان گورنری میں پاسداران انقلاب کی بحریہ کے ایک ہیڈ کوارٹر پر لگے۔
گیلان کے ڈپٹی گورنر علی باقری نے سرکاری خبر رساں ایجنسی ’ارنا‘ کے حوالے سے بتایا کہ آج صبح زیباکنار کے علاقے میں ایرانی پاسداران انقلاب کی بحریہ کے ہیڈ کوارٹر کو دشمن امریکہ کے بموں سے نشانہ بنایا گیا جس سے کمپلیکس کے کچھ آلات کو نقصان پہنچا۔
ایرانی میڈیا نے آج ک صبح کئی دھماکوں کی اطلاع دی تھی جب امریکی فوج نے ایران میں اہداف کے خلاف فضائی حملوں کی ایک نئی لہر شروع کرنے کا اعلان کیا تھا۔
ایرانی حکام کے حوالے سے فارس نیوز ایجنسی نے بتایا کہ ملک کے جنوب مغرب میں خوزستان گورنری میں اہواز، اندیمشک اور اومیدیہ شہروں کے قریب واقع علاقے نشانہ بنےتھے۔
میڈیا رپورٹوں میں آبنائے ہرمز میں قشم جزیرے کے قریب اور بندر عباس ساحلی شہر کے ارد گرد بھی دھماکوں کی اطلاع دی گئی۔
یہ پیش رفت ایسے وقت سامنے آئی جب امریکی سینٹرل کمانڈ سینٹ کام نے ایران کے اندر اہداف کے خلاف اپنی فوجی کارروائیوں کی لگاتار تیرہویں رات مکمل ہونے کا اعلان کیا جو کہ ایک ایسی مہم کا حصہ ہے جسے واشنگٹن کا کہنا ہے کہ اس کا مقصد آبنائے ہرمز میں تجارتی جہاز رانی کے لیے تہران کی طرف سے پیدا ہونے والے خطرات کو کم کرنا ہے۔
امریکی سینٹرل کمانڈ سینٹ کام نے ذکر کیا کہ حملوں کی یہ لہر دو گھنٹے سے زیادہ جاری رہی۔
’مقصد پاسداران انقلاب کی صلاحیتوں کو کمزور کرنا ہے‘
اس سے قبل جمعرات اور جمعہ کی درمیانی شب امریکی فوج نے اعلان کیا تھا کہ اس نے لگاتار تیرہویں رات ایران پر حملے کیے ہیں۔
امریکی سینٹرل کمانڈ نے ایکس پلیٹ فارم پر ایک بیان میں اطلاع دی کہ امریکی فورسز نے جمعرات کی شام امریکی مشرقی ساحل کے وقت کے مطابق شام چھ بج کربیالیس منٹ پر یعنی گرینویچ کے وقت کے مطابق رات دس بجے کے پینتالیس منٹ پر ایرانی فوجی اہداف کے خلاف حملوں کی ایک نئی رات کا آغاز کیا۔
بیان میں مزید کہا گیا کہ ان حملوں کا مقصد ایران کا محاسبہ کرنا اور تجارتی جہاز رانی کی نقل و حرکت کے لیے پاسداران انقلاب کی طرف سے پیدا ہونے والے خطرات کو محدود کرنا ہے۔
