.

عراق میں سکیورٹی کی ابتر صورت حال،کویتی سفیر کی واپسی

کویت نے صورت حال معمول پر آنے تک تمام سفارتی عملہ بھی واپس بلا لیا

پہلی اشاعت: آخری اپ ڈیٹ:

کویت نے عراق میں سکیورٹی کی ابتر صورت حال کے پیش نظر عراق میں متعین اپنے سفیر اور تمام سفارتی عملے کو واپس بلا لیا ہے۔

کویت کی وزارت خارجہ کے انڈر سیکریٹری خالد جار اللہ نے سوموار کو صحافیوں کو بتایا ہے کہ ''ہم نے عراق میں سکیورٹی کی صورت حال کے پیش نظر بغداد میں متعین سفیر اور سفارتی ٹیم کو ایک ہفتہ قبل واپس آنے کے لیے کہہ دیا تھا''۔انھوں نے کہا کہ ''جب ہم یہ محسوس کریں گے کہ صورت حال مستحکم ہوگئی اور معمول پر آگئی ہے تو سفارتی عملے کو واپس بھیج دیا جائے گا''۔