مصر: سڑک کنارے دھماکہ، 6 پولیس اہلکار ہلاک، 2 زخمی

مصر میں عسکریت پسندوں نے سڑک کنارے دھماکہ کر کے چھ پولیس اہلکاروں کو ہلاک کر دیا ہے۔ یہ دھماکہ مصر کے شمال میں واقع جزیرہ نما سیناء کیا گیا ہے۔

وزارت داخلہ کے مطابق العریش اور رفح کے قصبے سے پولیس کا قافلہ گذر رہا تھا کے سڑک کنارے دھماکہ ہو گیا۔ اس سے چھ اہلکار ہلاک جبکہ دو زخمی ہو گئے۔

خیال رہے یہ علاقہ ایک ماہ تک اسرائیلی بمباری کی زد میں رہ کر تباہی سے دوچار ہونے والے زیر محاصرہ فلسطینی شہر غزہ سے متصل ہے۔ سیناء کے علاقے میں عسکریت پسندوں نے پہلے منتخب صدر محمد مرسی کی برطرفی کے بعد سے کارروائیاں تیز کر رکھی ہیں۔