.

عراق : بلد دھماکے کے بعد.. مقتدی الصدر کا سامراء کے تحفظ کا حکم

پہلی اشاعت: آخری اپ ڈیٹ:

عراق میں الصدری تحریک کے سربراہ مقتدی الصدر نے بلد میں سید محمد کے مزار پر حملے کے واقعے کے بعد ، اپنے زیرانتظام السلام بریگیڈز فورس کی ملیشیاؤں کو حکم دیا ہے کہ وہ سامراء کا رخ کریں۔

جمعرات اور جمعہ کی درمیانی رات بغداد کے شمال میں شہر بلد میں ایک شیعہ مزار پر حملے میں کم از کم 35 افراد ہلاک اور 60 زخمی ہوگئے۔ خودکش حملہ آوروں نے پہلے مزار کو مارٹر گولوں سے نشانہ بنایا ، اس کے بعد مزار پر دھاوا بول کر فائرنگ کر دی۔

دو خودکش بمباروں نے مزار کے قریب ایک تجارتی منڈی میں خود کو دھماکے سے اڑا دیا جب کہ تیسرے خودکش بمبار کو ہلاک کر کے اس کی بارودی بیلٹ کو ناکارہ بنا دیا گیا۔