.

خوف کے لمحات: رن وے کو چُھوتے ہی طیارے نے پھر اُڑان بھر لی

پہلی اشاعت: آخری اپ ڈیٹ:

سعودی عرب میں اپنی نوعیت کے ایک نادر اور انوکھے واقعے میں ایک مسافر طیارے نے تبوک کے شہزادہ سلطان ہوائی اڈے کے رن وے پر اترنے کے دوران پھر سے اڑان بھر لی۔

تفصیلات کے مطابق ریاض کے شاہ خالد ہوائی اڈے سے آنے والی پرواز تبوک کے ہوائی اڈے پر اترنے کے لیے رن وے پر پہنچی تو کپتان نے طیارے کے پہیوں کے رن کو چھوتے ہی اسے دوبارہ سے فضا میں بلند کر دیا۔ اس عمل کا سبب ہوائی اڈے پر چلنے والی انتہائی تُند و تیز ہوا تھی۔ ایسے موقع پر طیارے کی لینڈنگ پوری قوت کے ساتھ ہونا چاہیے تا کہ ہوا سے طیارے کے توازن میں خلل نہ آئے۔

ماہرین کے مطابق رن وے پر اترنے سے چند لمحے قبل طیارے کو دوبارہ سے فضا میں بلند کرنا بڑا خطرناک عمل ہے اس لیے کہ مذکورہ عمل کے دوران طیارے کے انجنوں کو دوبارہ سے پوری طاقت کے ساتھ چلانا پڑتا ہے تا کہ ہوا کو دھکیلا جا سکے۔ اس موقع پر طیارے کو انتہائی تیز رفتاری سے چلانا پڑتا ہے یہاں تک کہ وہ بتدریج فضا میں بلند ہو جائے۔