شاہ سلمان کا عبدالعزیز مرکز میں ڈونلڈ ٹرمپ کا استقبال

گذشتہ روز سعودی عرب پہنچنے کے بعد امریکی صدر ڈونلڈ ٹرمپ نے جنوبی ریاض میں واقع تاریخی شاہ عبدالعزیز مرکز کا خصوصی دورہ کیا جہاں شاہ سلمان بن عبدالعزیز نے ان کا استقبال کیا۔

ٹرمپ کی آمد سے قبل سعودی عرب کا روایتی رقصہ ’عرضہ‘ پیش کیا گیا۔ اسی اثنا میں امریکی صدر ڈونلڈ ٹرمپ، امریکی وزیرخارجہ الیکس ٹیلرسن اور ان کے سعودی ہم منصب عادل الجبیر شاہ عبدالعزیز مرکز میں پہنچے۔

اس موقع پر صدر ٹرمپ شاہ عبدالعزیز مرکز میں قائم نیشنل میوزیم بھی گئے۔ یہ میوزیم سنہ 1999ء کو 28 ہزار مربع میٹر کے رقبے پر بنایا گیا تھا۔ اس میوزیم میں تاریخی قیمتی نوادرات کے ساتھ ساتھ سال بھر ثقافتی تقریبات بھی جاری رہتی ہیں۔ اس میں دور جاھلیت کی اشیاء اور پہلے اور دوسرے سعودی دور کی نایاب چیزیں محفوظ کی گئیں۔

قصر المربع شاہ عبدالعزیز تاریخی مرکز کا اہم حصہ ہے اور اسے سعودی عرب کے تاریخی محلات میں شمار کیا جاتا ہے۔ اس محل کی تعمیر سعودی مملکت کے بانی شاہ عبدالعزیز آل سعود نے 1937ء میں قائم کرنے کی منظوری دی تھی۔