عراق : بین الاقوامی اتحاد نے "نئی داعش" سے خبردار کر دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکا کے زیر قیادت بین الاقوامی اتحاد نے خبردار کیا ہے کہ اگر عراقی حکومت نے سنیوں کے ساتھ اپنے معاملے اور برتاؤ کو تبدیل نہ کیا تو عراق میں ایک نئی داعش نمودار ہو سکتی ہے۔ ساتھ ہی یہ بھی کہا گیا ہے کہ موصل میں فتح کے اعلان کے باوجود داعش تنظیم کے خلاف جنگ ابھی ختم نہیں ہوئی۔

بین الاقوامی اتحاد کی افواج کے کمانڈر جنرل اسٹیوٹ تاوسنڈ نے عراقی حکومت سے مطالبہ کیا ہے کہ اگر وہ کسی "دوسری" داعش کے ظہور کو روکنا چاہتی ہے تو اسے نئے کام کرنا ہوں گے۔ امریکی جنرل نے اس امر کی ضرورت پر زور دیا کہ عراقی حکومت ملک میں سنی حلقوں کے ساتھ رابطے میں رہے اور ان کے ساتھ مصالحت کو یقینی بنائے۔

یاد رہے کہ عراقی وزیر اعظم حیدر العبادی نے آزاد کرائے جانے والے شہر موصل میں 9 ماہ تک فوجی آپریشن جاری رہنے کے بعد اتوار کے روز "بڑی کامیابی" حاصل کر لینے کا اعلان کیا تھا۔

دوسری جانب بین الاقوامی اتحاد میں شامل ممالک آج سے تین روز تک واشنگٹن میں جاری رہنے والی ملاقاتوں میں داعش تنظیم کے خلاف کامیابیوں کو یقینی بنانے کے طریقہ کار کو زیر بحث لائیں گے۔ امریکی وزارت خارجہ کے مطابق ان اجلاسوں میں مختلف سطحوں پر داعش کے خلاف مہم کو بڑھانے کے طریقہ کار پر بھی بات چیت ہو گی۔

مقبول خبریں اہم خبریں

مقبول خبریں