سعودی عرب : یمن سے آنے والے اسلحے اور گولہ بارود کی اسمگلنگ ناکام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے صوبے جازان میں وزارت داخلہ کے زیر انتظام فورس نے بڑی مقدار میں گولہ بارود اور اسلحے کی بڑی تعداد کی اسمگلنگ کی کارروائی ناکام بنا دی۔ اس دوران اسمگلنگ میں استعمال ہونے والی گاڑی بھی برآمد کر لی گئی۔

جازان میں المجاہدین فورس کے سرکاری ترجمان خالد عبداللہ نے "العربیہ ڈاٹ نیٹ" کو بتایا کہ فیفا کے علاقے میں فورس کے زیر انتظام ایک چیک پوائنٹ پر اہل کاروں نے ایک ٹویوٹا شیس کو روکا جو جازان صوبے کے مشرقی حصے کی جانب سے آ رہی تھی۔ گاڑی کی تلاشی لینے پر آگے والے حصے میں ایندھن کے ٹینک کے اندر گولہ بارود اور ہتھیار موجود تھے۔

ترجمان نے مزید بتایا کہ گاڑی سے 25200 گولیاں ، 3 پستول اور اسی ہتھیار کی تین کھیپیں برآمد کر لی گئیں۔ ضروری اقدامات کے بعد تمام تر اشیاء کو متعلقہ حکام کے حوالے کر دیا گیا۔

مقبول خبریں اہم خبریں

مقبول خبریں