عراق : پیشمرگہ کے انخلاء کے بعد سنجار شہر پر الحشد الشعبی کا کنٹرول

عراق میں شیعہ ملیشیا الحشد الشعبی نے سنجار سے پیشمرگہ فورسز کے انخلاء کے بعد اس یزیدی اکثریت والے شہر پر اپنے کنٹرول کا اعلان کیا ہے۔

مبصرین کے مطابق یہ پیش رفت اس بات کی دلیل ہے کہ عراقی صدر فواد معصوم کی قیادت میں بحران کے حل کے لیے کی جانے والی کوششیں ناکام ہو چکی ہیں۔ بحران کے حل کے لیے تین نکات پیش کیے گئے تھے ان میں ریفرینڈم کا مسئلہ حل کرنے کے لیے وفاقی عدالت کو شریک کرنا ، سرحدی گزرگاہوں اور متنازع علاقوں کے لیے مشترکہ انتظامیہ اور آئین کے آرٹیکل 140 کے نفاذ کے لیے نیا ٹائم فریم شامل ہے۔

باخبر ذرائع نے باور کرایا کہ اس سلسلے میں ہونے والے اہم اجلاس میں جس میں ایرانی پاسداران انقلاب کے کمانڈر قاسم سلیمانی نے بھی شرکت کی ، نیشنل یونین پارٹی اور مسعودی بارزانی کی پارٹی کے درمیان شدید اختلافات پیدا ہو گئے۔

علاوہ ازیں کرکوک کے شہریوں کے مطابق اسی دوران بارزانی کے زیر انتظام فورسز بھی شہر سے نکل گئیں۔