سوشل میڈیا پر داعش کی سرگرمیوں سے متعلق یورپی یونین کا انتباہ

یورپی یونین میں انسداد دہشت گردی کے رابطہ کار نے سوشل میڈیا پر داعش تنظیم کی فرضی خلافت سے خبردار کیا ہے۔ یہ انتباہ بیلجیئم کے دارالحکومت برسلز میں انسداد دہشت گردی کمیٹی کے اجلاس کے دوران سامنے آیا۔

یورپی کمیشن کے مطابق منگل کے روز ایک اجلاس منعقد کیا جا رہا ہے جس میں یورپی یونین کے انتظامی اداروں کے متعدد ارکان اور سائبر پلیٹ فارمز کے نمائندے شریک ہوں گے۔ اجلاس میں انٹرنیٹ پر پھیلے ہوئے غیر قانونی مواد سے نمٹنے کے لیے پیش رفت کا جائزہ لیا جائے گا۔ ان امور میں انٹرنیٹ پر دہشت گردی کا پروپیگنڈہ ، غیر ملکیوں سے متعلق منافرت ، نسل پرستی اور Intellectual property کے قانون کی خلاف ورزی شامل ہے۔