یمن : المخا پر حوثیوں کا بیلسٹک میزائل حملہ عرب اتحاد کے ہاتھوں ناکام

یمن کے مغربی شہر المخا میں مقامی ذرائع نے بتایا ہے کہ عرب اتحاد کے فضائی دفاعی نظام نے اتوار کے روز باغی حوثیوں ملیشیا کی جانب سے داغا جانے والا میزائل ہدف پر پہنچنے سے قبل شہر کے اوپر فضا میں تباہ کر دیا۔

اتحادی طیاروں نے حوثی ملیشیا کی عسکری کمک کو متعدد حملوں کا نشانہ بنایا ہے۔ یہ کمک تعز صوبے کے علاقے موزع میں اور الحدیدہ صوبے کے جنوبی محاذ حیس پر باغیوں کی معاونت کے لیے جا رہی تھی۔

اتحادی طیاروں نے ہفتے کے روز بھی حجہ ، صعدہ اور الجوف صوبے میں 30 فضائی حملے کیے۔ اس دوران حوثی ملیشیا کے متعدد اہداف کو تباہ کر دیا گیا۔ العربیہ کے نمائندے کے مطابق اتحادی طیاروں نے ایک راکٹ لانچنگ پیڈ اور 10 سے زیادہ عسکری گاڑیوں کو تباہ کر دیا۔ یہ گاڑیاں حوثی جنگجوؤں کو ان کے محاذوں کی جانب لے کر جا رہی تھی۔