’ڈیموکریٹک فورسز‘ کی انتظامی خود مختاری کے لیے اسد رجیم سے بات چیت

پہلی اشاعت: آخری اپ ڈیٹ:
مطالعہ موڈ چلائیں
100% Font Size

شام میں امریکا کے حمایت یافتہ ’سیرین ڈیموکریٹک فورسز‘ نے اپنے زیر کنٹرول علاقوں پر مکمل انتظامی خود مختاری کے حصول کے لیے بشارالاسد کی حکومت سے مذاکرات شروع کیے ہیں۔

’العربیہ ڈاٹ نیٹ‘ کے مطابق ڈیموکریٹک فورسز’قسد‘ کی مرکزی کونسل کا ایک اعلٰی اختیاراتی وفد دمشق کے پہلے دورے پر پہنچا ہے جہاں وفد نے اسد رجیم کے ساتھ ’قسد‘ کے زیرانتظام علاقوں کو انتظامی خود مختاری دینے پر بات چیت کررہا ہے۔

سیرین ڈیموکریٹک فورسز کے چیئرمین ریاض درار نے ’اے ایف پی‘ کو بتایا کہ فورسز کی کونسل کا وفد اسد حکومت کی سرکاری دعوت پر دمشق گیا ہے۔ ان کا کہنا تھا کہ ہم شمالی شام میں حکومت کے ساتھ جاری تمام تنازعات کے حل کے لیے کوششیں کررہے ہیں۔ ان کوششوں میں ڈیموکریٹک فورسز کی انتظامی خود مختاری بھی شامل ہے۔

دارا نے مزید کہا کہ ڈیموکریٹک کونسل نے اسد رجیم کے ساتھ بات چیت جاری رکھی ہوئی ہے۔ مذاکرات میں ہمارےاور حکومت کے نمائندے شامل ہیں۔

مقبول خبریں اہم خبریں